Ádilet ministri Marat Beketaev Qazaqstannyń biznesmen Stati ústinen jazǵan aryz-shaǵymy týraly suraqqa jaýap berdi, - dep habarlaidy Tengrinews.kz tilshisi.
"Qazaqstan Stati talap etip otyrǵan aqshany tólemeidi. Bul zalaldy ártúrli jolmen esepteýge bolady. Eger zańgerlerge jumsalǵan tikelei shyǵyndar týraly aitar bolsaq (bul birinshi esepteletin blok), bedelge keltirgen shyǵyndardy esepteýge de bolady. Úshinshiden, Ulttyq bank zalal, joǵalǵan tabys boiynsha shaǵym túsire alady. Qarajat arnaiy aryz-shaǵym shotyna ornalastyrylǵan kezde (buǵattalǵan), qorlar múmkindiginshe jumys istemei almady. Bul aiyrmashylyqty da belgili bir formýla boiynsha esepteý qajet. Negizi, munda da shaǵym jazýǵa bolady. Bul jerde mindetti maksimal somany óndirip alý áreketi mańyzdy emes.
Statidiń ózi Moldovada turady. Onyń múlki basqa da kóptegen sot protsesi boiynsha buǵattalǵan. Oǵan kredit bergender kóp, onyń qylmystyq áreketi birneshe jyldan beri jalǵasyp keledi. Statige qazir Qazaqstan ǵana shaǵym túsirip otyrǵan joq", - dedi Beketaev Ortalyq kommýnikatsiialar qyzmetinde ótken brifingte.
Ádilet ministrligi basshysynyń aitýynsha, aldaǵy ýaqytta tolyq somany óndirip alý múmkin emes. Alaida, ministrdiń sózinshe, munda Qazaqstannyń osyndai alaiaqtardy anyqtaýǵa, mundai agressiv áreketterge qarsy turýǵa qajetti resýrsy baryn dáleldeý mańyzdy.
"Halyqaralyq qor jáne investitsiialyq naryqtaǵy negizgi oiynshylar osyny kórgen kezde, olar Qazaqstan men onyń quqyqtyq júiesi damyp jatqanyn, tiisinshe, Qazaqstanǵa investitsiia quiýǵa bolatynyn túsinedi", - dedi Marat Beketaev.
