«S&P Global Ratings» reiting agenttigi Qazaqstannyń táýelsiz nesie reitingin «BBB-» deńgeiinde «turaqty» boljammen rastady. Bul týraly QR Ulttyq ekonomika vitse-ministri Jaslan Mádiev málimdedi, dep habarlaidy "Ult aqparat".
Agenttiktiń pikirinshe, Qazaqstannyń reitingi eldiń turaqty biýdjettik jaǵdaiynyń arqasynda óz ornynda tur. Onyń ishinde Ulttyq qorda jinaqtalǵan qarajat pen syrtqy qaryzdyń tómendigi, Úkimettiń pandemiianyń jaǵymsyz kórinisterin aýyzdyqtaýǵa baǵyttalǵan sharalary, sondai-aq memlekettik institýttardyń turaqtylyǵy men boljamdyǵynyń joǵary deńgeiin aitýǵa bolady.
Reiting agenttigi basqa jetekshi halyqaralyq qarjy institýttarymen birge qysqa merzimde ulttyq ekonomika kúrt qalpyna keledi dep boljaidy - ortasha ósý qarqyny 2021-2023 jyldary shamamen 4% quraidy.
S&P ótken jyly ulttyq ekonomika ósiminiń negizgi faktory - shikizattyq emes sektor, onyń ishinde qurylys, kólik jáne óńdeý sektory bolǵanyn atap ótti. 2020-2022 jyldary shikizattyq emes sektor ulttyq óndiristi qalpyna keltirý men ósirýdiń qozǵaýshy kúshi bolyp qala beredi.
Jaslan Mádiev habarlaǵandai, 9 naýryzdan bastap «S&P Global Ratings» 57 eldiń nesie reitingteri men boljamdaryn qaita qarady, sonyń ishinde Avstraliia, Braziliia, Chili, Japoniia, Malaiziia, Meksika, Estoniia jáne Ózbekstannyń kórsetkishteri nasharlaǵan.
