Foto: Polisia.kz
Abai oblysynyń 28 jastaǵy turǵyny burynǵy súiiktisin júieli túrde qýdalaǵany úshin qylmystyq jaýapkershilikke tartyldy. Bul týraly Polisia.kz habarlady.
Tergeý derekterine sáikes, qarym-qatynas aiaqtalǵannan keiin er adam áieldi qaita-qaita mazalap, onyń úii men jumys ornyna baryp júrgen. Sonymen qatar ol ártúrli telefon nómirlerinen habarlasyp, habarlamalar jiberip, bailanys ornatýǵa tyrysqan. Onyń áreketi bir rettik emes, júieli sipat alyp, jábirlenýshige psihologiialyq qysym kórsetken.
Sot er adamdy kináli dep tanyp, oǵan 100 saǵat qoǵamdyq jumys jazasyn taǵaiyndady. Úkim zańdy kúshine engen soń ol probatsiia qyzmetine tirkelip, jazasyn óteý úshin jumysqa ornalastyryldy.
Sottalǵan azamat óz áreketin durys emes dep moiyndap, ókinish bildirgen. Ol aldaǵy ýaqytta mundai jaǵdaiǵa jol bermeitinin aityp, ózgeniń jeke shekarasyn qurmetteý qajettigin túsingenin jetkizdi.
Qazirgi tańda probatsiia qyzmeti onyń minez-qulqyn baqylap, profilaktikalyq jáne túsindirý jumystaryn júrgizip otyr.
