16 qazan kúni Sh.Qusaiynov atyndaǵy mýzykalyq qazaq-drama teatrynda Aqmola oblysy ákimdiginiń qoldaýymen QR Tuńǵysh Prezidenti - Elbasynyń «Bolashaqqa baǵdar: rýhani jańǵyrý», «Uly dalanyń jeti qyry» baǵdarlamalarynyń aiasynda memleket qairatkeri, aqyn, jazýshy Sáken Seifýllinniń 125 jyldyǵyna arnalǵan "Syr sandyqty ashyp qara" atty aimaqaralyq aqyndar músháirasy ótti.
Músháiranyń maqsaty sanaly ǵumyryn qazaq halqynyń rýhaniiatyna arnaǵan tulǵanyń ómir joly men shyǵarmashylyǵyn jas urpaqqa nasihattaý, daryndy jastardy anyqtaý jáne olarǵa qoldaý kórsetý.
Jyr dodasynda ózara baq synasqan Nur-Sultan, Qaraǵandy, Pavlodar jáne Kókshetaý qalalarynan kelgen aqyndar arnaý óleńderin tartý etti.
Jas aqyndarǵa memlekettik syilyqtyń laýreaty, halyqaralyq Jambyl jáne Muqaǵali Maqataev atyndaǵy syilyqtyń iegeri, aqyn Nesipbek Aituly, oblystyq «Arqa ajary» gazetiniń bas redaktory Qaiyrbai Tóreqoja, filologiia ǵylymdarynyń kandidaty, Sh.Ýálihanov atyndaǵy Kókshetaý memlekettik ýniversiteti rektorynyń keńesshisi Álibi Shapaýov, filologiia ǵylymdarynyń kandidaty, Qazaqstan jazýshylar odaǵynyń múshesi, aqyn Erbolat Baiatuly, aqyn, jýrnalist, «Daryn» memlekettik jastar syilyǵynyń laýreaty, Qazaqstan jazýshylar odaǵy Aqmola oblystyq filialynyń direktory Almas Temirbai syndy qazylar alqasy tórelik etti.
Aqyndar músháirasyn Qazaqstannyń eńbek sińirgen qairatkeri, belgili aitysker aqyn Amanjol Áltaev júrgizdi.
Is-sharany qorytyndylai kele yntalandyrý syilyqtaryna Ardakerei Kápuly (Nur-Sultan q.), Muhammed Qońqaev (Kókshetaý q.), Abzal Baltabai (Kókshetaý q.), Temirbek Bázilhan (Zerendi aýdany) ie boldy.
Júldeli I oryndy Qýanysh Ospan (Kókshetaý q.), II oryndy Nurislam Ábdil (Nur-Sultan q.), III oryndy Baqytbek Bekmurat (Kókshetaý q.) ielendi. Bas júlde Qaraǵandy qalasynan kelgen Janat Jańqashqa buiyrdy.
Barlyq jeńimpazdar men júldegerlerge aqshalai sertifikattar tabystaldy.
