Shyǵys Qazaqstan oblystyq sotynyń qylmystyq ister jónindegi sot alqasynyń tóraǵasy para aldy degen kúdikpen ustaldy, dep habarlaidy ult.kz.
Joǵarǵy sottyń habarlaýynsha, ustaý operatsiiasyn Ulttyq qaýipsizdik komitetiniń ShQO boiynsha departamenti men Sot ákimshiliginiń ishki qaýipsizdik qyzmeti birlesip júrgizgen.
Tergeý nusqasyna sáikes, sýdia múddeli taraptyń paidasyna sheshim shyǵarý úshin asa iri kólemde para aldy degen kúdikke ilingen.
Qazir qylmystyq is boiynsha qajetti tergeý áreketteri júrgizilip, oqiǵanyń barlyq mán-jaiy anyqtalyp jatyr.
Keibir derekkózderde kúdikti 40 million teńge kóleminde para aldy degen aqparat taraǵan. Alaida bul málimet ázirge resmi túrde rastalǵan joq.
Quqyq qorǵaý organdary tergeý aiaqtalǵanǵa deiin qosymsha aqparat bermeitinin málimdedi.
