«Qaraǵandy farmatsevtikalyq kesheni» JShS óndiristik aýmaǵynda reseilik «Spýtnik V» vaktsinasynyń óndirisi jóninde baspasóz týry ótti, dep habarlaidy DSM baspasóz qyzmeti.
Atalmysh mekemeniń bas direktory Sergei Baron, sondai-aq QR Densaýlyq saqtaý ministrliginiń Meditsinalyq jáne farmatsevtikalyq baqylaý komiteti tóraǵasy orynbasary Nurlybek Asylbek BAQ ókilderin koronavirýs infektsiiasyna qarsy reseilik «Spýtnik V» vaktsinasynyń óndirisimen tanystyrdy.
2020 jylǵy 26 tamyzda «SQ-Farmatsiia» men Reseidiń tikelei investitsiialar qory (RTIQ) koronavirýsqa qarsy «Spýtnik V» vaktsinasynyń kepildik berilgen kólemin bólý týraly ózara túsinistik jóninde kelisimge qol qoiǵan edi. 11 qarashada Prezident Qasym-Jomart Toqaev pen RF Prezidenti Vladimir Pýtin telefon arqyly sóileskende pandemiiamen kúreste yntymaqtastyqty jandandyrýdy, QR aýmaǵynda vaktsinalardy birlesip óndirýdi uiymdastyrý jónindegi josparlardy talqylaǵan. Al 4 jeltoqsanda RTIQ QR Densaýlyq saqtaý ministrligimen yntymaqtastyq týraly kelisim jasasyp, 2020 jylǵy 13 jeltoqsanda «Qaraǵandy farmatsevtikalyq kesheni» JShS preparattyń tájiribelik seriiasyn óndirý úshin 6 myń doza kóleminde sýbstantsiia alǵan.
«QR Densaýlyq saqtaý ministrliginiń jumys tobymen, RTIQ-nyń jáne «Generým» kompaniiasynyń seriktesterimen birge jol kartasy ázirlendi. Barlyq másele kún saiyn talqylanýda. Biz qysqa merzim ishinde tehnologiia transferin, óndiristi daiyndaýdy, tońazytqyshpen jabdyqtaýdy, personaldy oqyttyq, onyń sapasyn zerttep jáne Qazaqstanda tirkeý úshin vaktsinanyń tájiribelik seriiasyn shyǵarýǵa kiristik», - dedi baspasóz týry barysynda Sergei Baron.
Vaktsina 2020 jylǵy 24 jeltoqsannan bastap 2021 jylǵy 21 qańtarǵa deiin N.F.Gamaleia atyndaǵy EMǴZI-da sapany baqylaý protsesinen ótedi. Tekserý sátti bolǵan jaǵdaida 2021 jylǵy 26 qańtardan 11 aqpanǵa deiin preparatty Qazaqstan Respýblikasynda tirkeý josparlanýda.
«Ózimiz óndirgen vaktsinany tolyq tirkep jáne birinshi partiiany 2021 jyldyń 12 aqpanyna deiin RTIQ-na tapsyrýdy josparlap otyrmyz. «SQ-Farmatsiia» JShS biryńǵai distribiýtoryna vaktsinany jetkizýshi jáne ónimniń iesi Reseidiń tikelei investitsiialar qory», - dedi Sergei Baron.
2021 jyldyń aqpanynda «Spýtnik V» vaktsinasynyń 80 myń dozasyn, naýryzda 150 myń dozasyn, al sáýir aiynan bastap 600 myń dozaǵa óndirý isi josparlanýda.
«Bastapqyda meditsina qyzmetkerlerin, birinshi kezekte juqpaly aýrýlar aýrýhanalary men jedel meditsinalyq járdem qyzmetkerlerin, sondai-aq kásibine bailanysty juqtyrý qaýpi joǵary, qashyqtyqtan jumys isteý qiyn nemese qolaisyz qyzmetkerlerdi vaktsinatsiialaý kózdelip otyr», - dedi Nurlybek Asylbekov.
Aldyn ala qajettilik boiynsha, immýnizatsiianyń eki ese kestesin eskere otyryp, halyqtyń 20%-yn immýndaý úshin 6 mln dozadan, halyqtyń 50% úshin 20 mln dozaǵa deiin qajet. KVI-ǵa qarsy vaktsinalardyń ereksheligin eskere otyryp, vaktsinatsiiany uiymdastyrý jospary daiyndalýda.
KVI-ge qarsy vaktsinatsiia josparly profilaktikalyq egý júrgizetin meditsinalyq uiymdardyń qoldanystaǵy egý kabinetteri bazasynda júrgiziledi. Baspasóz-týry barysynda jýrnalister vaktsinanyń jumys isteý protsesimen tanysyp, inektsiialyq jáne liofilizatsiialanǵan preparattar tsehyn, etiketkalaý jelisin, vaktsinany ekinshi ret býyp-túiý men saqtaýdy kórdi.
