Қазақстан Тәуелсіздігіне 25 жыл

«Spýtnik V» vaktsinasyn ázirleýshilerdiń biri qazaqstandyq oqýshylarmen kezdesti

«Spýtnik V» vaktsinasyn ázirleýshilerdiń biri qazaqstandyq oqýshylarmen kezdesti

Koronavirýsqa qarsy «Spýtnik V» vaktsinasyn ázirleýshilerdiń biri, biologiia ǵylymdarynyń kandidaty Iliias Esmaǵambetov Shymkenttegi fizika-matematika baǵytyndaǵy Nazarbaev Ziiatkerlik mektebiniń oqýshylarymen jáne ustazdarymen kezdesti, dep habarlaidy "Ult aqparat".

Iliias Esmaǵambetov – biotehnolog, molekýliarlyq biolog, Reseidegi N. F. Gamaleia atyndaǵy epidemiologiia jáne mikrobiologiia ulttyq zertteý ortalyǵynyń qymetkeri, koronavirýsqa qarsy álemde alǵash tirkelgen vaktsinany ázirleýshiler qatarynda.

«Ǵylym udaiy damýdy qajet etedi: jańa ádisterdi igerý, ádebietterdi oqý», – dedi jas ǵalym onlain-kezdesýde.

NZM baspasóz qyzmetiniń málimetinshe, biolog sondai-aq vaktsinanyń aǵzaǵa áseri týraly aityp berdi. 

«Ádette, ekpeniń birinshi komponenti engizilgennen keiin 38° deiin temperatýranyń kóterilýi, deneniń aýyrsynýy, bas aýrýy múmkin. Bul – resmi aqparat jáne qupiia bolǵan da emes. Budan bólek eshqandai eleýli belgiler baiqalǵan emes, menińshe, aldaǵy ýaqytta da bolmaidy», – dep jaýap berdi Iliias Esmaǵambetov kópshilikti tolǵandyrǵan suraqqa. 

«Egilý qajet pe, joq pa?» degen búginginiń basty saýalynyń da jaýaby berildi. Ǵalymnyń aitýynsha, bul – árbir adam ózi jeke qabyldaityn sheshim. Degenmen, vaktsinatsiianyń basty mindeti adamdy arashalaý ǵana emes, aýrýdyń ózgelerge taralýyn boldyrmaý ekendigin atap ótti.