Almatylyq sportshylar, etnomádeni birlestik jáne biznes ókilderi qazaqstandyqtardy Alǵys aitý merekesimen quttyqtady, dep habarlaidy QazAqparat.
Turǵyndardy quttyqtaǵan beinetúsirilim Almatydaǵy Bostandyq aýdandyq ákimdiginiń Instagram paraqshasynda jariialandy. Onda ár ulttyń ókilderi lebizderin bildirgen.
«Ótken ǵasyrdyń 30-shy jyldary Batys Ýkrainadan jer aýdarylyp kelgen poliak atalary men apalary osy Qazaqstanda ózderine pana tapqan. Qazaq aǵaiyn qanatynyń astyna alǵan. Sol jasaǵan jaqsylyqtary úshin barlyq qazaqstandyqqa alǵysymdy bildiremin. Jer aýdaryp kelgen poliaktardy baýyrlaryna basyp, jańa Otan, jańa el, jańa jerdi syilaǵandary úshin», - dedi «Venzy» poliak mádeni ortalyǵynyń ókili.
Búgingi merekede halyqaralyq jáne respýblikalyq jarystardyń birneshe dúrkin jeńimpazy Narman Qurbanov halqyna, ustazdarǵa, jattyqtyrýshylarǵa alǵysyn bildirdi. Bostandyq aýdandyq ákimdigi alǵys aitý kúnin-beibitshilik pen kelesim, syilastyq pen qurmet kúni dep atady.
«Densaýlyq saqtaý salasyna, indettiń jaiylyp ketýine tosqaýyl qoiǵan árbir janǵa alǵys bildiremin. Sizderge myń alǵys! Barlyǵyńyzǵa densaýlyq, amandyq, otbasylaryńyzǵa baqyt tileimin», - qodedi ákimdik mamandary. Buǵan deiin Baqytjan Saǵyntaev qalalyqtar atynan dárigerlerge, muǵalimderge, politsiia mamandary men eriktilerge alǵysyn bildirgen bolatyn.
