Foto: Úkimet
Halyqaralyq S&P agenttigi Qazaqstannyń táýelsiz kredittik reitingin «BBB-» deńgeiinde saqtai otyryp, boljamyn «Turaqtydan» «Pozitivtige» jaqsartty, dep habarlaidy Ult.kz.
Agenttik sheshimin eldegi institýtsionaldyq jáne ekonomikalyq reformalardyń tabysty júzege asýymen bailanystyrdy. Sarapshylardyń aitýynsha, jańa Biýdjet jáne Salyq kodeksteri, qatań fiskaldyq erejeler men ekonomikany ártaraptandyrý sharalary biýdjet tapshylyǵyn azaityp, memlekettik qarjynyń turaqtylyǵyn qamtamasyz etedi.
S&P Qazaqstannyń syrtqy boryshynyń tómendigi men Ulttyq qor rezervteriniń moldyǵy berik qarjylyq pozitsiia qalyptastyratynyn atap ótti.
Sonymen qatar, sarapshylar sybailas jemqorlyqqa qarsy is-qimyl, basqarýdyń ashyqtyǵyn arttyrý, ortalyqsyzdandyrý siiaqty reformalar qoǵamdaǵy turaqtylyqty kúsheitetinin aitty.
