Tanymal jýrnalist Jan Ahmadiev Merkide qaza bolǵan 19 jastaǵy Madinanyń qaiyn jurtyna baryp, qaiǵyly jaǵdaidyń mán-jaiyn anyqtaýǵa tyrysqan, dep habarlaidy ult.kz.
Alaida marqumnyń ata-enesi jýrnalistke suhbat berýden bas tartqan. Bul týraly jergilikti aqparat quraldary jazdy.
Osydan keiin jýrnalist marqumnyń qaiyn jurtymen kórshi turatyn turǵynmen sóilesip, Madinanyń otbasy týraly pikirin suraǵan.
Kórshisiniń sózinshe, Madiiar minezi jýas adam bolǵan. Ol erli-zaiypty arasynda janjal bolýy múmkin ekenin aityp, er adamnyń áielin urýyn qalypty jaǵdai retinde qabyldaitynyn ańǵartqan.
«Kórshi tursaq ta Madiiar — jýas bala. Ashýmen ursa, urǵan da shyǵar. Erkek bolǵan soń urady ǵoi. Urǵanda da óltirip urǵanyn kórmeimin men. Otbasy bolǵan soń aiqailasyp, urysqan shyǵar», – degen kórshi.
Alaida onyń sózderi eldiń ashýyn týdyrdy. Al búgin osy áiel el aldyna shyǵyp, jýrnalister sózimdi burmalady dep otyr.
“Ursa aqyryndap urǵan shyǵar”… Madina Rashidqyzynyń kórshisi bloger Jan Ahmadievke suqbat berem dep basy bálege qaldy. “Meniń sózderimdi kesip, qiyp, burmalap jiberdi” dep renjip otyr”, - dep jazdy Qogam.news.
