Pavlodar oblysynyń burynǵy ákimi Bolat Baqaýov qazaqstandyqtardy Naýryz meiramymen quttyqtady. Eks-sheneýnik quttyqtaý hatyn Instagram-paraqshasynda jariialady, - dep habarlaidy Tengrinews.kz.
Ol ótken jyl óziniń kúrdeli oqiǵalarymen este qalǵanyn jazdy.
"Armysyzdar aǵaiyn! Sizderdi Ulystyń uly kúni - Naýryz meiramymen quttyqtaýǵa ruqsat etińizder.
Halqymyzdyń jańa jylynda ómirdiń jańa paraǵyn ashyp jatyrmyz. Ótken jyl óziniń kúrdeli oqiǵalarymen este qaldy. Biraq, onyń bári de - ótti, ketti. Kún artynan kún týyp, ómir jalǵasýda. Kindigim osy elge bailanǵan er azamat bolǵandyqtan, elmen birge bolamyn. Keshegi kórisý kúni aiasynda halqymmen qaita qaýyshýǵa niettimin. Sizderdiń meiirimdi de keń qushaqtaryńyzdyń aldynda meniń júregim de, júzim de ashyq.
Jańarý aiynda, rahym men keshirim aiynda Sizderge jaqsylyq pen baq-bereke tileimin. Pandemiiadan aman shyǵyp, erkin oinap-kúlgen kúnder qaita oralsyn. Ulys oń bolsyn!", - dedi Bolat Baqaýov.
Jeri qoldanýshylary da eks-ákimdi meirammen quttyqtap, jyly tilekterin jazyp jatyr.
Aita keteiik, bul - Baqaýovtyń ustalǵannan keiingi Jelidegi alǵashqy jazbasy. Bir jylǵa jýyq sheneýnik eshteńe jariialamady. Onyń Instagram-daǵy sońǵy sýreti 2020 jyldyń 15 qańtarynda salynǵan. Dál osy kúni ony ózine nemese basqa adamdarǵa ia uiymdarǵa bilikti nemese laýazymdy ókilettikterin asyra paidalandy degen kúdikpen ustady. Osy baptyń sanktsiialary múlik tárkileý jáne bes jyldan on jylǵa deiingi merzimge bas bostandyǵynan aiyrý túrindegi jazany kózdeidi. Biraq Baqaýov odan jeńilirek bap boiynsha sottaldy.
Eske salaiyq, byltyr mamyrda Pavlodar oblysynyń eks-ákimi Bolat Baqaýov 3,5 jylǵa bas bostandyǵynan shekteldi. Ol ómir boiyna memlekettik qyzmette jumys isteý quqyǵynan aiyryldy. Sot úkimimen eks-ákimge kóńil kóterý oryndaryna barýǵa tyiym salyndy. Budan bólek ol 100 saǵat ýaqyt qoǵamdyq eńbekke jumylýǵa mindetteldi. Oǵan qosa Baqaýov 10 myń dollar qaitarýǵa mindetteldi.
