Aqtóbede jazda bolǵan lańkestik oqiǵa kezinde sodyrlar atysqa araq iship shyǵypty. Sol kezde jaralylarǵa kómek bergen dárigerler osylai dep otyr. Al búginge deiin tergeý qupiiasyna bailanysty jaq ashqan joqpyz deidi aq halattylar. Bul týraly KTK telearnasy habarlady.
"Qolyna qarý ustap, adam atqan ár bandittiń qasynda boldym. Kórdim. Araqtyń iisin men de sezem. Ishken bári. Emdelip shyqqandary da ishken. Ólgenderi de, jaraqattan ólgenderi de ishken", - dedi Aqtóbe oblystyq jedel meditsinalyq kómek kórsetý aýrýhanasynyń bas dárigeri Raqymjan Arystan.
Jihad dep shyqqan ekstrimisterden múńkigen araq iisin sezgen mamandar sol kezde synama alǵan eken. Sodyrlardyń barlyǵynyń qanynan alkogol tabylypty. Tipti bireýiniń esirtki paidalanǵany belgili bolǵan.
Telearna tilshileriniń málimetinshe, ony sot-meditsinalyq saraptama júrgizgender ishterinde búgip otyr eken.
Aita ketelik, 5-shi maýsymda 45 ásiredinshildi Dmitrii Tańatarov jaldamaly páterge jinaǵan. Keiin jinalǵandardyń jartysy qarý-jaraq dúkenderine shabýyl jasap, áskeri bólimge basyp kirgen bolatyn. Sol lańkestik oqiǵa kezinde 7 adam qaza taýyp, sodyrlardyń 18-niń kózi joiyldy. Al tiri qalǵan jeteýi endi ómir boiy bostandyq kórmeidi. Jaqynda sot tek eki sodyrdyń táýbesine kelgenin túsinip, 20 jáne 22 eki jylǵa úkim kesti. Sondai-aq, shabýylǵa shyǵýdan bas tartyp, jarty joldan qaitqandar 2-5 jyldan jaza arqalaǵan aita keteiik.
