2023 jylǵa qarai sot saraptamasy organdary mamandarynyń jalaqysy 2,5 esege arttyrylmaq. Bul týraly QR Ádilet ministri Marat Beketaev aitty, dep habarlaidy QazAqparat.
«Sot saraptamasy organdarynyń meditsina qyzmetkerlerine ziiandy eńbek jaǵdailary úshin qosymsha aqy túrinde jalaqyny 30 paiyzdan 45 paiyzǵa deiin ulǵaitý jóninde sharalar qabyldandy. Sonymen qatar, Memleket basshysynyń tapsyrmasyn iske asyrý úshin osy sanattaǵy adamdardyń jalaqysyn 2023 jylǵa qarai 2,5 esege deiin arttyrý máselesi pysyqtalýda. Áleýmettik jaǵdaidy jaqsartý maqsatynda bonýstardy tólei otyryp, qyzmetkerlerdiń jumys qorytyndylaryn faktorlyq-baldyq shkala boiynsha baǵalaý júiesi engizildi», - dedi ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, «Bolashaq» baǵdarlamasy aiasynda Ulybritaniiada 5 sot sarapshysy taǵylymdamadan ótti, 16 sot sarapshysy oqýyn jalǵastyrýda. 200-den astam sarapshy Resei, Amerika Qurama Shtattary, Birikken Arab Ámirlikteri, Ulybritaniia, Polsha, Túrkiiada biliktilikterin arttyrdy.
«Sarapshylardy daiarlaý, qaita daiarlaý jáne biliktiligin arttyrý boiynsha oqý ortalyǵy quryldy. Búgingi tańda sarapshy kadrlardy daiarlaýdyń qazaqstandyq mektebiniń bazasynda sot sarapshylar, quqyq qorǵaý organdarynyń qyzmetkerleri, sondai-aq sheteldik sarapshylar oqýdan ótýde», - dedi Marat Beketaev.
