Foto: instagram.com/dana_yesseyeva
Sot belgili vainer Meiirjan Tórebaevtyń tergeý izoliatorynan bosatylyp, úiqamaqqa alyný sebebin túsindirdi, - dep habarlaidy Tengrinews.kz portaly.
Resmi málimet boiynsha, sot advokattyń Meiirjan Tórebaevtyń kámeletke tolmaǵan bes balasynyń bolýyna bailanysty úiqamaq túrindegi bultartpaý sharasyn qoldaný týraly ótinishin qanaǵattandyrǵan.
"Qylmystyq is materialdaryna sáikes, Tórebaev rasymen kámeletke tolmaǵan bes bala tárbielenip jatqan otbasynyń jalǵyz asyraýshysy, onyń densaýlyǵyna bailanysty kútimdi qajet etetin qart anasy da bar. Jalpy alǵanda, mundai mán-jailar, sottyń pikirinshe, Tórebaevqa qatysty bultartpaý sharasyn úiqamaq siiaqty jeńildetilgen túrge ózgertýge negiz bolýy múmkin", - dedi qalalyq sottyń baspasóz qyzmeti.
Buǵan deiin sottyń aldyn ala otyrysynda Meiirjan Tórebaev tergeý izoliatorynan bosatylyp, úiqamaqqa alynǵan bolatyn.
Eske salaiyq, qazaqstandyq tanymal vainerler Meiirjan Tórebaev pen Meiirhan Sherniiazov biyl sáýirde Mudarabah Capital qarjy piramidasy shemasyna qatysy bar degen aiyppen qamaýǵa alynǵan bolatyn. Olar kúdikti dep tanylyp, túrmede otyr. Sondai-aq, is boiynsha jaýapker - vainer Ázimjan Saidbaev bar. Oǵan izdeý jariialanǵan.
