Máskeýdiń Ziýzino soty "esirtkini nasihattady" dep aiyp taǵylǵan tanymal bloger Iýrii Dýdtiń ákimshilik isin politsiiaǵa qaitardy, - dep habarlaidy RIA Novosti.
Is 11 maýsymda "túzetý" úshin qaitarylǵan. Istiń basqa mán-jaiy týraly aitylmady.
"Sot ákimshilik quqyqbuzýshylyq týraly hattamany jáne istiń basqa materialdaryn organǵa, laýazymdy tulǵaǵa qaitarý týraly sheshim shyǵardy", - dedi sottaǵylar.
Dýdke Resei Ákimshilik kodeksi 6.13 babynyń 1.1 bólimi - "Internetti paidalanyp esirtkini nasihattaý" boiynsha aiyp taǵylǵan, ol 1,5 million rýblge deiin aiyppul tóleýi múmkin.
Dýdtiń baǵdarlamalaryn tekserý týraly ótinishti politsiiaǵa "Liga bezopasnogo interneta" uiymy túsirgen. Sarapshylar onyń bloger Ivan Gai men rep-oryndaýshy Morgenshternnen alǵan suhbatynda esirtkini nasihattaý bolǵanyn aitqan.
Aita keteiik, jaqynda Morgenshtern de osyndai iske qatysty bolǵan edi. Sot onyń eki áninde esirtki nasihattaldy dep sheship, Morgenshternge 100 myń rýbl aiyppul salǵan bolatyn.
