Soltústik Qazaqstandaǵy qus tumaýynyń tirkelý jaǵdaiy azamattardyń densaýlyǵyna qaýipti me? Bul suraqqa QR Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev jaýap berdi, dep habarlaidy QazAqparat.
«Birden aita keteiin: virýs adamnan adamǵa taramaidy. Aýrý juqtyrǵan qustardan adamdardyń qus tumaýyn juqtyrý jaǵdaiy óte sirek kezdesedi. Qus etinen nemese jumyrtqasynan adamǵa virýs juqqan jaǵdai múlde tirkelmegen. Osylaisha búgingi kúni qus tumaýyn juqtyrǵan azamattardyń elde tirkelmegenin aitýǵa bolady», - dedi ol Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, Soltústik Qazaqstandaǵy qus tumaýynyń órshý jaǵdaiyna bailanysty bir-birimen qatynasta bolǵan 400 adam anyqtalǵan. Olardyń bári de qus fabrikasynda eńbek etetin qyzmetkerler.
«Barlyǵyna meditsinalyq baqylaý engizildi. Olardyń jaǵdaiy jaqsy. Sonymen birge qus tumaýynyń tirkelýine bailanysty Qazaqstan aýmaǵynda qus eti men ónimine, saýda oryndarynda baqylaý kúsheitildi. Veterinarlyq anyqtamalar men qujattardyń bári tekserilýde», - dedi ol.
