Foto: Ashyq derekkóz
Soltústik Qazaqstan oblysynda janyp ketken jeke menshik úidiń ishinen úsh adamnyń máiiti tabyldy, dep habarlaidy KTK arnasy.
Qaiǵyly oqiǵa Poltavka aýylynda bolǵan. Órt sóndirýshiler 13 shaqyrym shalǵai jerden jetkenshe jeke menshik úi tolyǵymen otqa oranǵan. Oqiǵa ornynda úsh arnaiy tehnika men segiz órt sóndirýshi jumys istegen. Alaida úi túgi qalmai janyp ketti.
Kúldiń arasynan 58 jastaǵy áieldiń, sondai-aq, jasy 44 jáne 46 daǵy eki er adamnyń denesi tabyldy. Bireýi - marqumnyń kúieý balasy. Al 35 jastaǵy qyzy aman qaldy.
Sarapshylar marqumdar órtten emes, adamnyń qolynan qaza tapqan dep boljap otyr.
Qaitys bolǵan eki er adam aýyldaǵy jeke sharýashylyqta jumys istegen. Al qaitys bolǵan úidiń iesi jumyssyz bolǵan.
