Soltústik Qazaqstan oblysy mamandandyrylǵan aýdanaralyq ákimshilik soty Qyzyljar aýdanynyń ákimine jáne osy aýdannyń jer qatynastary bólimi basshysynyń mindetin atqarýshyǵa aqshalai óndirip alý jazasyn qoldandy, dep habarlaidy "Ult aqparat".
SQO soty baspasóz qyzmetiniń málimetinshe, oblystyq mamandandyrylǵan aýdanaralyq ákimshilik sotynda jaýapkershiligi shekteýli seriktestiktiń jer komissiiasynyń is-áreketin joqqa shyǵarý týraly ákimshilik is qaraldy.
Aldyn ala tyńdaýda aýdan ákimine jáne memlekettik organ basshysynyń mindetin ýaqytsha atqarýshy tulǵaǵa aqshalai óndirip alý jazasy qoldanyldy.
«Aqshalai óndirip alýdy qoldanýǵa sotqa talap boiynsha jazbasha qarsylyqtyń jáne ýaqytsha óteýli jerdi paidalanýǵa quqyq berý boiynsha konkýrstyń materialdaryn usynbaý negiz boldy.
Qazaqstan Respýblikasyndaǵy jergilikti memlekettik basqarý jáne ózin-ózi basqarý týraly zańyna sáikes ákim ákimshilik-aýmaqtyq bólinis sheginde basshylyq jáne baqylaý júrgizetin laýazymdy tulǵa ekendigin eskerdi.
Memlekettik organ basshysynyń mindetin ýaqytsha atqarýshy tulǵa memlekettik organǵa júktelgen mindetterdi tikelei oryndaýshy retinde jaýap berdi», - delingen baspasóz habarlamasynda.
2021 jyldyń 28 shildedegi sot uiǵarymymen laýazymdy tulǵalardyń árqaisysy 10 AEK mólsherinde, iaǵni 29 170 teńge tóleýge tiis.
