Soltústik Qazaqstan oblysynda koronavirýsqa qarsy vaktsinalaý naýqany júrip jatyr. Buǵan deiin negizinen meditsinalyq qyzmetkerler ekpe alsa, qazir olardyń qataryna tártip saqshylary, muǵalimder jáne memlekettik qyzmetshiler qosyldy, dep habarlaidy "Ult aqparat".
SQO sanitariialyq-epidemiologiialyq baqylaý departamenti óńirdegi koronavirýs boiynsha ahýalǵa toqtalyp, brifing ótkizdi.
Búginde oblysta KVI juqtyrǵandar sany 12 641 adamǵa jetken. Desek te, jaǵdai turaqtalǵan. Qazir óńirde qaýipti infektsiiany juqtyrýdyń jańa derekteri táýligine 20-ǵa jetpeidi.
21 aqpannan bastap SQO «jasyl aimaqta». Osyǵan bailanysty karantindik shekteý sharalary jeńildetilip jatyr.
«Koronavirýspen kúreste vaktsinatsiianyń mańyzy zor. Osy ýaqytqa deiin vaktsinanyń birinshi komponentimen 2030 adam egildi. Olardyń 1580-i meditsinalyq qyzmetkerler, 193-i pedagogtar, 257-si tártip saqshylary jáne 2-ýi memlekettik qyzmetshi bolsa, 3-ýi basqa sala mamandary. Al vaktsinatsiiany 1178 adam tolyq aldy. Olardyń barlyǵy – meditsinalyq qyzmetkerler», - deidi SQO sanitariialyq-epidemiologiialyq baqylaý departamenti basshysynyń orynbasary Tatiana Gorlova.
