Búgin Úkimet otyrysynda QR Aýyl sharýashylyǵy ministri Saparhan Omarov Soltústik Qazaqstan oblysynyń 2021-2025 jyldarǵa arnalǵan áleýmettik-ekonomikalyq damýynyń keshendi jospary AÓK-te qandai nátije beretinin aitty, dep habarlaidy "Ult aqparat".
«Sondyqtan jańa Soltústik Qazaqstan oblysyn damytýdyń 2025 jylǵa deiingi jańa keshendi jospary jobasynda agroónerkásiptik keshendi damytý boiynsha 17 is-shara kózdelgen, onyń ishindegi 10 is-shara – iri investitsiialyq jobalar.
Aldaǵy bes jylda jalpy qýaty 29,8 myń bas bolatyn 52 taýarlyq sút fermasyn, 3 bordaqylaý alańyn, 2 qus fabrikasyn, quramajem zaýytyn, jylyjai keshenin, mai syǵymdaý jáne mai ekstraktsiialyq zaýyttaryn, sondai-aq jartylai fabrikattar shyǵaratyn zaýyt salý josparlanyp otyr», - dedi ministr.
Bul jobalardy «Soltústik» áleýmettik-kásipkerlik korporatsiiasy arqyly kredit berý jolymen jáne jeke investitsiialar tartý esebinen qarjylandyrý boljanyp otyr.
«Bul rette áleýmettik-kásipkerlik korporatsiia arqyly qarjylandyrýdyń usynylyp otyrǵan tetigi óz tiimdiligin kórsetip úlgerdi, oblys ákimdigi ótken jyldan bastap jergilikti biýdjet qarajaty esebinen kredit berip keledi. Tek 2020 jyldyń ózinde
4 mlrd teńge somasyna 10 joba qarjylandyryldy. Osynyń arqasynda búginde Soltústik Qazaqstan oblysy taýarlyq sút fermalaryn salý boiynsha kóshbasshy bolyp otyr», - dedi S. Omarov.
Onyń aitýynsha, investitsiialyq jobalardy iske asyrý bes jyl ishinde 575 mlrd teńge jeke investitsiialar tartýǵa múmkindik beredi, biylǵy jyldyń ózine 129,8 mlrd teńge jeke investitsiia tartý kózdelgen.
«Keshendi jospar mashina-traktor parkin jańartý boiynsha indikativti kózdeidi, 2025 jylǵa qarai aýyl sharýashylyǵy tehnikasyn jańartý deńgeiin 6 paiyzǵa deiin jetkizý josparlanýda. Jalpy, Keshendi jospardy iske asyrý oblysta maily daqyldar alańyn 1 mln gektarǵa deiin, sút óndirisin 1 mln tonnaǵa deiin ulǵaitýǵa, maily daqyldardy óńdeý úlesin 14%-dan 30%-ǵa deiin jetkizýge, sút óńdeý kásiporyndaryn júkteýdi 90%-dan 92%-ǵa deiin, al et óńdeý kásiporyndaryn júkteýdi 42%-dan 50%-ǵa deiin ulǵaitýǵa múmkindik beredi. Nátijesinde Soltústik Qazaqstan oblysynyń jalpy aýyl sharýashylyǵy ónimderiniń kólemi 1,2 trln-ǵa deiin jetkiziledi, eńbek ónimdiligi 2,5 esege ulǵaiyp, 1,6 myń jumys orny qurylady», - dedi ministr.
Aita keteiik, búgin Úkimet otyrysynda QR Ulttyq ekonomika ministri Áset Erǵaliev Soltústik Qazaqstan oblysynyń 2021-2025 jyldarǵa arnalǵan áleýmettik-ekonomikalyq damýynyń k eshendi josparyn tanystyrdy. Premer-Ministr Asqar Mamin jospar óńirdiń infraqurylymyn jaqsartatynyn atap ótti.
