Sodyrlar elordadaǵy Prezident rezidentsiiasyn basyp almaq bolǵan. Bul jaiynda QR Prezidenti Qasym-Jomart Toqaev aitty, dep habarlaidy QazAqparat.
«Almaty men 9 oblys ortalyǵy banditterdiń qolyna ótti. Biz kontrterroristik rejim jariialadyq. Qazaqstan UQShU-na járdem kórsetý ótinishin jasady. Bizdiń ótinishimiz der ýaqytynda qabyldandy. Elordaǵa úsh áskeri-kólik ushaǵynyń kelgenin bilgen sodyrlar prezidenttik rezidentsiiany basyp alýǵa baǵyttalǵan josparlaryn dereý toqtatty. Osynyń arqasynda biz qosymsha kúshti Almatyǵa jiberýge jáne qalany sodyrlardan qaitaryp alýǵa múmkindik aldyq», - dedi Memleket basshysy UQShU Ujymdyq qaýipsizdik keńesiniń kezekten tys sessiiasynda.
Aita keteiik, búgin UQShU Ujymdyq qaýipsizdik keńesiniń kezekten tys sessiiasy ótip jatyr. Jiyn Qazaqstan tarapynyń bastamasymen shaqyryldy.
