Ekinshi dúniejúzilik soǵysqa Atyraý (burynǵy Gýrev) oblysynan attanǵan jaýyngerdiń haty men qutysy Reseidiń Smolensk oblysynan tabyldy. Biraq onyń aty-jóni ázirge belgisiz, dep habarlaidy "Ult aqparat".
«Jaýyngerdiń haty Smolensk oblysy, Kardymov aýdany, Rýsanovo eldi mekeni aýmaǵyndaǵy qaiyń toǵaida izdeý-barlaý ekspeditsiiasyn ótkizý kezinde tabyldy. Aldymen jaýyngerdiń qutysyn (fliajka), sodan keiin beldigin (fragmenttik) taptyq. Olar aǵash tamyrynyń astynda 30-40 santimetr tereńdikte jatqan. Belgisiz jaýyngerdiń medalonynda «Kaz. SSR. Gýrevskaia oblast, g.Gýrev, Baksaiskii r-n, posiolka Saraichik, polýchit Erbatyrovoi Rahimoi» degen jazba bar. Biraq ókinishke qarai jaýynger óziniń aty-jónin jazbaǵan», - dep habarlady «Pereprava» izdestirý otriadynyń komandiri Natalia Maksimova.
