Memleket basshysy Qasym-Jomart Toqaev Premer-Ministr Álihan Smaiylovty qabyldady, - dep habarlaidy Aqorda.
Kezdesý barysynda Prezidentke elimizdiń qazirgi áleýmettik-ekonomikalyq ahýaly jóninde jáne Ýkrainadaǵy oqiǵanyń keri áserin tómendetý úshin Ulttyq bankpen birlesip qabyldaǵan sharalar týraly baiandaldy.
Memleket basshysyna halyqaralyq arenadaǵy sońǵy oqiǵalarǵa bailanysty ekonomikany damytýdyń daǵdarysqa qarsy josparynyń negizgi qyrlary tanystyryldy.
Prezidentke qańtar oqiǵasy saldarynan zardap shekken shaǵyn jáne orta biznes sýbektileriniń shyǵynyn óteýge jáne qiraǵan memlekettik nysandardy qaita qalpyna keltirýge qatysty jumystar jaiynda málimet berildi.
Álihan Smaiylov kásiporyndarǵa aparatyn temirjoldarǵa ie tabiǵi monopoliialar nysandaryna belgilengen tarifti tómendetý, óńdeý ónerkásibi men agroónerkásip keshenin damytý jóninde aitty.
Qasym-Jomart Toqaevqa aýyl sharýashylyǵy taýarlaryn óndirýshilerdi sýbsidiialaý júiesin jáne kedendik ákimshilendirý isin jetildirý máseleleri týraly málimet berildi.
Sonymen qatar Premer-Ministr Mańǵystaý oblysyn damytýdyń keshendi josparynyń júzege asyrylýy jáne 2022 jylǵa arnalǵan respýblikalyq biýdjetti naqtylaýǵa daiyndyq jumystary jóninde esep berdi.
