Qazaqstan Respýblikasynyń Premer-Ministri Álihan Smaiylov Ózbekstan Respýblikasynyń Premer-Ministri Abdýlla Aripovpen telefon arqyly sóilesti, dep habarlaidy "Ult aqparat" primeminister.kz-ge silteme jasap.
Ózbekstan Respýblikasynyń Premer-Ministri A. Aripov Á. Smaiylovty Qazaqstan Respýblikasynyń Premer-Ministri laýazymyna taǵaiyndalýymen quttyqtady. Taraptar strategiialyq áriptestikti ekijaqty jáne kópjaqty formatta odan ári nyǵaitýǵa daiyn ekendikterin bildirdi.
«Qazaqstan Úkimeti baýyrlas Ózbekstan Respýblikasymen strategiialyq seriktestikti tereńdetý baǵytyn berik ustanady. Biz buǵan deiin qol jetkizilgen ýaǵdalastyqtardy iske asyrýǵa barynsha daiynbyz. Yntymaqtastyqtyń ekijaqty kún tártibiniń aiasynda belgilengen josparlar birlesken kúsh-jigerimizdiń arqasynda iske asyrylatynyna senimdimin», - dedi Á. Smaiylov.
Ózbekstan – Qazaqstannyń iri saýda seriktesteriniń biri. Ortalyq Aziiadaǵy barlyq óńirlik saýdanyń 70%-ǵa jýyǵy QR men ÓR-ǵa tiesili. 2021 jyldyń 10 aiynda ekijaqty saýda kólemi $3,26 mlrd qurady, bul 2020 jyldyń sáikes kezeńindegi kórsetkishten 30%-ǵa joǵary. 2021 jyldyń qorytyndysy boiynsha Ózbekstan Qazaqstannyń eń iri 5 saýda seriktesiniń qataryna kire alady.
