QR Premer-Ministri Álihan Smaiylov Úkimet otyrysynda Qarýly kúshter men barlaý qurylymdaryn reformalaý boiynsha usynystar ázirleýdi tapsyrdy, dep habarlady QazAqparat.
«Altynshy, Qorǵanys ministrligi Ulttyq ekonomika jáne Qarjy ministrlikterimen birlesip, belgilengen tártippen arnaiy bólimshelerdiń áskeri qyzmetshileriniń tabysyn arttyrý, áskerdi kólik aviatsiiasymen, qarý-jaraqpen jáne áskeri tehnikamen jaraqtandyrý máselesin pysyqtasyn», - dedi Álihan Smaiylov.
Sondai-aq, ol Qaýipsizdik keńesi apparatynyń aldaǵy otyrysynda eldiń qorǵanys qabileti talqylanatynyn eske saldy.
«Jetinshi, Qorǵanys ministrligi múddeli organdarmen birlesip, Qarýly kúshter men barlaý qurylymdaryn reformalaý, áskerdiń qorǵanys qabiletin túbegeili arttyrý jóninde usynystar ázirlep, Qaýipsizdik keńesi apparatynyń jaqyn aradaǵy otyrysyna engizsin», - dedi Premer-Ministr.
