QR Premer-Ministriniń birinshi orynbasary – qarjy ministri Álihan Smaiylov Erevandaǵy «Eýraziialyq kontinenttiń tranzittik áleýeti» halyqaralyq forýmynda EAEO-daǵy tranzittiń ózekti máselelerin kóterdi, dep habarlaidy "Ult aqparat".
«Birinshiden, bul - kólik infraqurylymynyń 40-tan 100%-ǵa deiingi aitarlyqtai tozýy, bul, árine, joldardyń sapasyna, logistikanyń tómen tiimdiligine áser etedi, tasymaldar men taýarlar baǵasynyń qymbattaýyna alyp keledi. Ekinshiden, bul biýrokratizatsiia deńgeii joǵary jáne zamanaýi tehnologiialardy baiaý engizý, tsifrlandyrý», — dedi Á. Smaiylov.
Onyń aitýynsha, Qazaqstan RF-pen birge pilottyq formatta shekaralarda navigatsiialyq plombalar engizdi, endi josparda — ony EAEO elderinde kópjaqty formatta engizý, bul olardyń arasyndaǵy tranzitti ulǵaitýǵa múmkindik beredi. Sonymen qatar, bul RF aýmaǵy arqyly sanktsiialyq taýarlardyń tranziti máselesin sheshedi.
Sońynda QR Premer-Ministriniń birinshi orynbasary – qarjy ministri Álihan Smaiylov EAEO ortaq logistikalyq dálizderin qurý boiynsha úilestirýdiń jetispeýshiligine áriptesteriniń nazaryn aýdardy, Eýraziialyq ekonomikalyq komissiiaǵa EAEO kólik infraqurylymyn tsifrlaý máselesin pysyqtaýdy usyndy.
Esterińizge sala keteiik, «Eýraziialyq kontinenttiń tranzittik áleýeti» halyqaralyq forýmy osy kúnderi Armeniia astanasy – Erevan qalasynda EEK Keńesi aiasynda ótýde. Forýmnyń basty taqyryby — transkontinentaldyq kólik bailanystaryn damytý.
