QR Premer-Ministri Álihan Smaiylov Eýraziialyq úkimetaralyq keńes otyrysy aiasynda Eýraziialyq ekonomikalyq komissiia alqasynyń tóraǵasy Mihail Miasnikovichpen kelissóz júrgizdi, dep habarlaidy primeminister.kz.
Kezdesý barysynda Eýraziialyq ekonomikalyq integratsiiany damytýdyń 2025 jylǵa deiingi strategiialyq baǵyttarynyń jobasyn daiyndaý barysy, EAEO sheńberinde tehnikalyq retteýdiń biryńǵai bazasyn jetildirý, sondai-aq Eýraziialyq Úkimetaralyq keńestiń aldaǵy otyrysyn ótkizý máseleleri talqylandy.
Á. Smaiylovtyń aitýynsha, ózara tiimdi sheshimder qabyldaýǵa basymdyq berý Uiymnyń baǵytyna tolyq sáikes keledi, muny Uiym jumys istegen kezeńde ózara saýdanyń edáýir ósýi naqty kórsetip otyr.
Máselen, EAEO qyzmeti kezeńde Qazaqstannyń áriptesterimen ózara saýdasy 37,5%-ǵa, onyń ishinde eksport 33%-ǵa ósti.
«Bizdiń aldymyzda túrli salalardaǵy, birinshi kezekte ónerkásiptegi kooperatsiia kásiporyndarmen birlesip integratsiialyq jobalardy iske asyrý boiynsha úlken jumys kútip tur. Ótken jyly Qazaqstan EAEO-nyń jarǵylyq organdarynda tóraǵalyq etýshi tarap boldy, memleket basshymyz Q. Toqaev ótken jyldyń basynda bizdiń uiymǵa tóraǵalyq etýimizdiń basym baǵyttaryn belgiledi, Prezidenttiń úndeýinde kórsetilgen osy baǵyttar birlesken kúsh-jigerimizdiń arqasynda sol kezeńinde tabysty iske asyryldy dep senimmen aitýǵa bolady jáne biylǵy jyly olardy júzege asyrý jalǵasýda», — Á. Smaiylov.
Qazaqstan men EAEO elderi arasyndaǵy taýar ainalymy 2021 jyly $26,1 mlrd qurady, bul 2020 jylǵa qaraǵanda 28%-ǵa joǵary.
Qazaqstannan EAEO elderine eksport 2021 jyly 34,9%-ǵa ósip, $7,6 mlrd jetti. EAEO elderinen Qazaqstanǵa import 2021 jyly 25,4%-ǵa ósip, $18,4 mlrd boldy.
Óz kezeginde Eýraziialyq ekonomikalyq komissiia Alqasynyń Tóraǵasy M. Miasnikovich qazaqstandyq taraptyń úilesimdi jumysyn atap ótip, EÚAK-niń qazirgi otyrysynyń barlyq máselesi belgilengen tártipte qaralatynyn atap ótti.
Kooperatsiiany damytý boiynsha úlken jumys kútip tur.
Kezdesýge Premer-Ministrdiń orynbasary – QR saýda jáne integratsiia ministri B. Sultanov, saýda jáne integratsiia vitse-ministri J. Kýshýkova, QR Premer-Ministri Keńsesi Basshysynyń orynbasary A. Kárimov jáne EEK Alqasy Tóraǵasy hatshylyǵynyń basshysy V. Zinovskii qatysty.
