28 maýsym kúni Astanadaǵy Qazaqconcert sahnasynda «NE PROSTO RETRO 80s» baǵdarlamasymen Ne Prosto Orchestra kontserti ótti. Mýzykalyq keshtiń bas seriktesi Qazaqstanda Allur kompaniiasy usynatyn ári resmi distribiýtory jáne óndirýshisi bolyp sanalatyn Škoda avtomobil brendi boldy.
Kesh barysynda kórermender 1980-jyldardyń álemdik jáne otandyq áigili hitterin Ne Prosto Orchestra ujymynyń avtorlyq simfoniialyq óńdeýinde tyńdady. Sahnada Maikl Djekson, Sting, Modern Talking, Scorpions jáne álemdik mýzyka mádenietiniń ajyramas bóligine ainalǵan ózge de oryndaýshylardyń shyǵarmalary oryndaldy. Tanymal týyndylardyń orkestrlik jańa interpretatsiiasy olardyń ózindik ereksheligi men atmosferasyn saqtai otyryp, tyńdarmanǵa múlde jańa qyrynan usyndy.
Ne Prosto Orchestra-ny qoldaý – Škoda brendiniń dástúrge qurmet, joǵary oryndaýshylyq sapa jáne úzdiksiz damý sekildi basty qundylyqtarynyń kórinisi. Brendtiń otany – Chehiiada Škoda Auto 30 jyldan astam ýaqyt boiy Cheh filarmoniiasy – Eýropadaǵy jetekshi simfoniialyq orkestrlerdiń birimen yntymaqtastyq ornatyp keledi. Sonymen qatar kompaniia mádeniet pen qoǵamnyń damýyna, mádeni murany saqtaýǵa úles qosatyn mýzykalyq jáne mádeni jobalardy turaqty túrde qoldaidy. Qazaqstandaǵy Ne Prosto Orchestra-men seriktestik osy dástúrdiń zańdy jalǵasyna ainaldy.
«Biz Ne Prosto Orchestra-nyń talantty ujymymen áriptestik ornatqanymyzǵa óte qýanyshtymyz. Negizinde bul joba men Škoda brendin ortaq filosofiia biriktiredi. Biz klientterimizge ýaqyt synynan ótken, sapaly ári únemi jetildirilip otyratyn ónim usynamyz. Sonymen birge negizgi qundylyqtarymyzdy saqtap, zamanaýi talaptarǵa beiimdelip kelemiz. Ne Prosto Orchestra da dál osylai mýzykalyq klassika men ótken jyldardyń tanymal shyǵarmalaryn jańasha óńdep, qazirgi aýditoriianyń kóńilinen shyǵatyn jańa ún qalyptastyryp keledi.
Ótken zamannyń bir oishyly: "Ótkendi bilý kerek, sonda ǵana búgindi túsinip, bolashaqty boljaýǵa bolady" degen sózdi beker aitpaǵan. Ujymǵa shyǵarmashylyq tabys pen kásibi jolynda árdaiym "majorly" áýen serik bolýyn tileimiz», – dedi Qazaqstandaǵy Škoda distribýtsiiasynyń basshysy Andrei Tananykin.
Búginde Allur Qazaqstandaǵy Škoda avtomobilderiniń resmi distribiýtory ári óndirýshisi bolyp tabylady. Avtokólikter Qostanai qalasyndaǵy óndiris alańynda qurastyrylady. Sonyń arqasynda Škoda Qazaqstanda seriialyq óndirisi jolǵa qoiylǵan jalǵyz eýropalyq avtomobil brendi bolyp otyr. Kompaniia otandyq naryqta brendti damyta otyryp, elde óndirilgen eýropalyq sapadaǵy avtokólikterdi usynyp qana qoimai, mádeniet pen qoǵamdyq ómirdiń damýyna yqpal etetin jobalardy da qoldap keledi.
