Soltústik Qazaqstan oblysynyń shekara qyzmeti departamenti memlekettik shekara arqyly Qazaqstannan Reseige munai ónimderi men aǵash materialdardyń birqatar túrin ótkizýge shekteý qoiylǵandyǵyn eskertti, dep habarlaidy QazAqparat.
QR Ulttyq qaýipsizdik komiteti Shekara qyzmetiniń SQO boiynsha departamentiniń málimetinshe, QR memlekettik shekarasynyń ótkizý beketteri arqyly Reseige munai ónimderiniń kei túrlerin, sonyń ishinde suiytylǵan munai gazyn, benzindi, dizel otynyn ótkizýge shekteý qoiylǵan. Sondai-aq aǵash materialdardyń birqatar túrin de shetke shyǵarýǵa ruqsat joq. Talapty oryndamai, shekaradan ótkizýge tyiym salynǵan zattarmen ustalǵandarǵa ákimshilik jáne qylmystyq jaýapkershilik bar.
SQO-da biyl 13 mamyr kúni «Jańa Jol» avtomobilmen ótkizý beketinde shekarashylar reseilik azamattardy ustady. Olar 1100 litr dizel otynyn ydystarǵa quiyp, alyp ótpek boldy.
