Soltústik Qazaqstan oblysy koronavirýstyń taralýy boiynsha «sary aimaqqa» ótti. Osyǵan orai búgin óńirdiń bas memlekettik sanitar dárigeriniń jańa qaýlysy jariialanady, dep habarlaidy "Ult aqparat".
SQO sanitairiialyq-epidemiologiialyq baqylaý departamentiniń málimetinshe, óńirde KVI juqtyrǵandar sany kúrt artyp otyr. Ótken aptamen salystyrǵanda 129-dan 164-ke deiin, iaǵni 1,3 ese artqan. Juqtyrǵandardyń 86 %-y dárigerlerge aýyryp kóringen. Tek ótken táýlikte COVID-19 juqtyrýdyń 49 jaǵdaiy tirkeldi. Sonyń 22-si Petropavlda, 10-y Taiynsha aýdanynda jáne taǵy 7 aýdanda anyqtaldy.
«Aimaqtarda epidemiologiialyq jaǵdaidy baǵalaý matritsasyna sáikes SQO búginnen bastap «sary aimaqqa» kirdi. Osyǵan bailanysty jańa qaýly shyǵady. Oblysta 12 sáýirden bastap birqatar karantindik shekteýler engiziledi», - deidi SQO SEBD basshysynyń orynbasary Arman Kúshbasov.
Sanitar dárigerdiń aitýynsha, biliardtardyń, balalardyń oiyn alańdarynyń, attraktsiondardyń, akvaparktiń jumysy toqtatylady.
As berýge tyiym salynyp, dini nysandardyń jumysy shekteledi.
Sporttyq is-sharalar kórermensiz ótedi.
Mádeniet nysandary 30 adamnan asyrmai jattyǵa alady.
Mektepke deiingi mekemelerdi 25 balamen kezekshi toptar ǵana jumys isteidi.
Jeksenbi kúnderi qoǵamdyq monshalar men saýnalar jabylyp, kinoteatrlar men teatrlarda, kontsert zaldarynda kórermen sanyn 20 %-dan asyrýǵa bolmaidy.
Shtattyq kestede 15 qyzmetkerden artyq bolǵan jaǵdaida qyzmetkerlerdiń 50 %-y qashyqtan jumys isteýge kóshiriledi.
«Birer kúnnen keiin musylmandar úshin qasietti ramazan aiy keledi. Oblystyń barlyq turǵyndaryn sanitarlyq talaptardy saqtaýǵa shaqyramyz. Úide otbasylyq úlken is-sharalardy ótkizýge tyiym salynǵan. Aýyzasharǵa tek otbasy músheleri ǵana qatysa alady. Talaptardy saqtamaý jaǵdaidyń ýshyǵýyna ákelýi múmkin», - deidi Arman Kúshbasov.
Qazir SQO-da koronavirýs infektsiiasyn juqtyrǵandardyń sany 13 233-ke jetti.
