Foto: ashyq derekkóz
Soltústik Qazaqstan oblysynda paidalanylmai jatqan jalpy quny 29,8 mlrd teńge bolatyn jer telimderi memleket menshigine qaitaryldy. Bul týraly oblystyq prokýratýra habarlady.
2025 jyldyń basynan beri prokýratýra organdary 146 myń gektardan astam aýmaqty quraityn 75 jer ýchaskesiniń zań buza otyryp maqsatsyz paidalanylǵanyn anyqtady. Onyń ishinde Aqjar, Esil, Ǵabit Músirepov, Timiriazev jáne Ýálihanov aýdandaryndaǵy aýyl sharýashylyǵyna arnalǵan 45 jer ýchaskesi uzaq ýaqyt boiy igerilmei kelgen.
Sonymen qatar Petropavl qalasynda bir kásipker kommertsiialyq maqsatta berilgen 123 gektar jerdi úsh jyl boiy paidalanbaǵan.
Qadaǵalaý nátijesinde jalpy aýdany 33,2 myń gektar bolatyn 36 ýchaske, kadastrlyq quny 29,8 mlrd teńge bolatyn jer telimderi memleketke qaitaryldy.
Prokýratýranyń resmi málimdemesinde:
«Memleket basshysynyń 2024 jylǵy 2 qyrkúiektegi Joldaýynda jer resýrstaryn tiimdi paidalaný mindeti qoiylǵan bolatyn. Osyǵan sáikes, jergilikti atqarýshy organdar qaitarylǵan jerlerdi adal nietti jer paidalanýshylarǵa berý jumysyn júrgizýde», – delingen.
Jumys jalǵasýda. Prokýratýra paidalanylmai jatqan jer telimderin anyqtaý men memleketke qaitarý baǵytyndaǵy tekserýlerin turaqty túrde júrgizetinin atap ótti.
