Soltústik Qazaqstan oblysy Maǵjan Jumabaev aýdanynyń ortalyǵy Býlaev qalasy búginnen bastap karantinge jabyldy. Buǵan – koronavirýs infektsiiasyn juqtyrǵandardyń artýy sebep, dep habarlaidy "Ult aqparat".
SQO bas sanitariialyq dárigeri Serikbai Qasmaqasovtyń jańa qaýlysymen búgin, 9 qazannan bastap M.Jumabaev aýdanynyń ortalyǵy Býlaev qalasyna karantindik shekteýler engizildi.
Qaýlyǵa sáikes resmi jáne jekemenshik jolaýshy tasymaldaýshylarǵa Býlaev qalasynan basqa eldi mekenderge jáne oblys ortalyǵyna jolaýshy tasymaldaýǵa tyiym salyndy.
Qala turǵyndaryna da birneshe shekteý qoiyldy, iaǵni budan bylai:
1) saǵat 22.00 men 6.00 aralyǵynda úilerinen shyǵýǵa shekteý bar, olar tek jumysqa jáne meditsinalyq mekemege barýǵa, jaqyn mańdaǵy dúkenge, dárihanaǵa, qoqys shyǵarýǵa ǵana shyǵa alady;
2) kórshileriniń, týǵan-týystarynyń, dos-tanystarynyń úiine barýǵa tyiym salyndy;
3) keshki saǵat 19.00 keiin balalarǵa eresektersiz kóshege shyǵýǵa shekteý qoiyldy;
4) 65 jastan asqandar óz-ózin oqshaýlaý rejimin ustanýy tiis;
5) respiratorlyq infektsiialardyń belgileri paida bolǵan jaǵdaida birden 103 nómiri arqyly úige dáriger shaqyrtý qajet;
6) jerleý rásimine 30 adamnan asyrmai, tek týǵan-týystary ǵana qatysa alady.
Býlaev qalasynda memlekettik organdar, ákimdikter, quqyq qorǵaý organdary, meditsinalyq mekemeler, qoǵamdyq tamaqtaný nysandary, BAQ, jerleý rásimderi qyzmeti, azyq-túlik, qurylys materialdary, avto jáne aýyl sharýashylyǵy tehnikasynyń qosalqy bólshekterin satatyn saýda oryndarynan basqa barlyq kásiporyndar men uiymdar jumysyn toqtatty. Aýmaǵy 500 sharshy metrden aspaityn dúkender qalypty rejimde, al aýmaǵy odan úlken saýda oryndary saǵat 9.00-den 16.00-ge deiin ǵana jumys istemek.
SQO taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, Býlaev qalasyn jabýǵa koronavirýs infektsiiasyn juqtyrǵandardyń artýy sebep bolǵan. Býlaev qalasynda 1 qazannan bastap 15 naýqas tirkelse, aýdan boiynsha olardyń sany - 24.
«Vedomstvoaralyq komissiianyń sheshimine sáikes, oblys aýdandarynda 14 kúnniń ishinde aýyrǵandar sany 7 adamnan asatyn bolsa, eldi mekenge karantindik shekteýler engiziledi. Al shaǵyn aýyldarda bul ereje koronavirýsty juqtyrǵandar sany 3-5 adamnan assa qoldanylady», - deidi sanitariialyq dárigerler.
