Soltústik Qazaqstannan jyl saiyn 5-6 myń adam qonys aýdarady. Onyń kóbi Reseige kóshýde. Bul týraly Soltústik Qazaqstan oblysynyń ákimi Qumar Aqsaqalov Ortalyq kommýnikatsiialar qyzmetinde ótken brifingide aitty, dep habarlaidy QazAqparat.
«Kóshi-qon baǵdarlamasy biz úshin óte mańyzdy. Shyn máninde oblys turǵyndarynyń sany 5-6 myń adam kóleminde azaiyp jatyr. Statistikany kórseńizder, onyń 89 paiyzy – Reseige kóship jatqan azamattar. Ne sebepti ekeni túsinikti», - dedi aimaq basshysy BAQ ókiliniń suraǵyna bergen jaýabynda.
Onyń aitýynsha, Qazaqstanǵa kelemin, sonyń ishinde Soltústik Qazaqstannyń jerinde turamyn degen azamattar da az emes kórinedi.
«Jyl basynan beri Ońtústikten, Nur-Sultan qalasynan jáne syrttan 800 adam keldi. Biyl jalpy 2300-den astam adam kóship keledi degen jospar bar. Olardyń árqaisyna belgilengen jan-jaqty kómek memleket tarapynan tólenedi. Ár otbasy múshesine 70 minimaldy kórsetkish tólenedi. Ol – 214 myń teńge kóleminde. Al úi satyp alamyn degen azamattarǵa 15 minimaldyq eseptik kórsetkish mólsherinde aqsha tólenedi», - degen ákim Resei men Ýkraindaǵy jaǵdaiǵa bailanysty óńirge qonys aýdarǵan sheteldikterdiń sany týraly túsinikteme berdi.
Oblys basshysynyń aitýynsha, dál qazir Reseiden Soltústik Qazaqstan oblysyna qonys aýdarýshylardyń kózge kórinetindei aǵyny baiqalyp otyrǵan joq.
