Soltústik Qazaqstan oblysyndaǵy Balyqty kólinde balyq qyryldy. Sý jándiginiń neden ólgenin anyqtaý úshin oqiǵa ornynda balyq sharýashylyǵy inspektsiiasynyń mamandary jumys istep jatyr, dep habarlaidy "Ult aqparat".
SQO Esil aýdanyndaǵy Balyqty kólinde balyqtyń kóptep qyrylyp jatqandyǵy jaily jazba áleýmettik jelide paida boldy.
Jazba iesi balyqtyń ólýine kóldi jalǵa alýshylardyń ýaqytynda aeratsiia júrgizbeýi sebep bolýy múmkin degen pikir qaldyrdy.
SQO prokýratýrasy bul jaǵdaidy nazardan tys qaldyrmady. Prokýrorlardyń aitýynsha, Esil aýdanyndaǵy Balyqty kóline tabiǵatty qorǵaý prokýratýrasynyń tapsyrmasymen Esil oblysaralyq basseindik balyq sharýashylyǵy inspektsiiasynyń mamandary tekserispen bardy. Onyń nátijesi jaiynda qosymsha habarlamaq.
Inspektsiia mamandary kóldi jalǵa alýshydan túsinik aldy. Aitýlarynsha, sý qoimasynda bir apta buryn aýmen balyq aýlaý úshin muzoiyq jasalǵan. Qalyń qardyń qysymymen sý oiyq arqyly muzdyń ústine ketken. Saldarynan balyq aýlaý múmkin bolmaǵan.
«Kún jyly bolyp, balyq oiyq arqyly ottegimen baiytylǵan sýmen muz betine shyqqan. Keiin qaityp kire almaǵan. Túnde aýa temperatýrasy tómendep, sý qatyp qalǵan. Ólgen balyq jinap alyndy. Al muzoiyq arqyly sý jándikteri taǵy da joǵaryǵa shyqpas úshin, tiisti sharalar qoldanyldy. Qyrylǵan balyqtyń jalpy salmaǵy – 50 kg», - delingen Esil oblysaralyq basseindik balyq sharýashylyǵy inspektsiiasynyń jaýabynda.
Esil aýdany Qaraǵash aýylynyń mańynda ornalasqan Balyqty kóliniń aýmaǵy 772,6 ga alyp jatyr, tereńdigi 2,8 m bolsa, ortasha tereńdigi – 1,5 m. Mamandardyń aitýynsha, kólde shortan, móńke, torta, aqtaban, aqqairan balyqtar mekendeidi. Kólden bir jylda 26 tonnaǵa deiin balyq aýlaýǵa ruqsat berilgen.
