Soltústik Qazaqstan oblysynda tórt túlikke kúzgi vaktsina egý jumystary qyzý júrgizilip jatyr, dep habarlaidy QazAqparat.
Mal dárigerleri vaktsinatsiiany jylyna eki ret júrgizedi. Birinshisi kóktemde túlik jaiylymǵa shyǵarda, al ekinshisi kún sýytyp, qoraǵa kirgizer aldynda atqarylady. Óńirde búgingi kúni bul jumystar 65% atqaryldy.
Elimizde «Profilaktikasy, diagnostikasy jáne joiylýy biýdjet qarajaty esebinen júzege asyrylatyn janýarlardyń asa qaýipti aýrýlarynyń tizbesi» bekitilgen. Oǵan tórt túliktiń asa qaýipti 69 aýrýy kirgen. SQO-da onyń 9 túrine biýdjet qarajaty esebinen ekpe jasalsa, týberkýlez, brýtsellez siiaqty taǵy birneshe túrine diagnostikalyq zertteýler júrgiziledi.
«Mal egý manipýliatsiiasy durys jolǵa qoiylǵan, mal iesi óziniń malyn ektirýge ákelýi tiis. Túliktiń syrǵasy bar, qujaty bar. Munyń bári tegin jasalady. Tórt-túlikti zertteý kezinde qan alamyz. Eger de qandai da bir maldan aýrý belgileri baiqalsa syrǵasy arqyly taýyp, birden soiýǵa jiberemiz», - deidi SQO veterinariia basqarmasynyń veterinarlyq is-sharalardy uiymdastyrý bóliminiń jetekshisi Qaiyrly Qazanov.
Osy kúnge deiin 284 myńnan astam iri qara mal, 640 bas jylqy, 32 myńnan astam shoshqa jáne 319 myńnan astam qoi-eshki brýtsellezge zertteldi. 647 iri qara maldan, 19 qoidan aýrý belgileri tabylyp, sanitarly soiylymǵa jiberilipti. Al týberkýlez 52 siyrdan anyqtalǵan.
Egý jumystary qyrkúiek aiynan qarashaǵa deiin júrgiziledi. Óitkeni vaktsina qoiýdyń óz erejeleri bar. Veterinarlardyń aitýynsha, bir ekpeden keiin ekinshisin salmas buryn 21 kún ótýi qajet. Sibir jarasyna qarsy vaktsina malǵa 3 aidan asqannan keiin ǵana egiledi, jas tól dárini kótermeýi múmkin.
«Biz qazir Penkovo eldi mekeninde týberkýlez aýrýyna zertteý júrgizý úshin qan alyp jatyrmyz. Odan keiin juqpaly aýrýdyń aldyn alý úshin arnaiy preparat – týberkýlindi egemiz. 72 saǵattan keiin kelip janýardy qaita tekserip ketemiz. Denesinde túiin paida bolsa, ol malda aýrýdyń belgileri bar degen sóz. Al qannyń nátijesi 3 kúnde daiyn bolady», - deidi mal dárigeri Liýdmila Stepanova.
Sondai-aq oblys veterinarlary aldaǵy 2-3 aida biylǵy jyldyń tóli - 102,5 myńnan astam iri qara maldy jáne 129 myńnan astam qoi-eshkini tirkeýge alyp, qulaqtaryna syrǵa taǵýlary tiis.
