سولتٷستٸك قازاقستان وبلىسىندا تٶرت تٷلٸككە كٷزگٸ ۆاكتسينا ەگۋ جۇمىستارى قىزۋ جٷرگٸزٸلٸپ جاتىر, دەپ حابارلايدى قازاقپارات.
مال دەرٸگەرلەرٸ ۆاكتسيناتسييانى جىلىنا ەكٸ رەت جٷرگٸزەدٸ. بٸرٸنشٸسٸ كٶكتەمدە تٷلٸك جايىلىمعا شىعاردا, ال ەكٸنشٸسٸ كٷن سۋىتىپ, قوراعا كٸرگٸزەر الدىندا اتقارىلادى. ٶڭٸردە بٷگٸنگٸ كٷنٸ بۇل جۇمىستار 65% اتقارىلدى.
ەلٸمٸزدە «پروفيلاكتيكاسى, دياگنوستيكاسى جەنە جويىلۋى بيۋدجەت قاراجاتى ەسەبiنەن جٷزەگە اسىرىلاتىن جانۋارلاردىڭ اسا قاۋiپتi اۋرۋلارىنىڭ تٸزبەسٸ» بەكٸتٸلگەن. وعان تٶرت تٷلٸكتٸڭ اسا قاۋٸپتٸ 69 اۋرۋى كٸرگەن. سقو-دا ونىڭ 9 تٷرٸنە بيۋدجەت قاراجاتى ەسەبٸنەن ەكپە جاسالسا, تۋبەركۋلەز, برۋتسەللەز سيياقتى تاعى بٸرنەشە تٷرٸنە دياگنوستيكالىق زەرتتەۋلەر جٷرگٸزٸلەدٸ.
«مال ەگۋ مانيپۋلياتسيياسى دۇرىس جولعا قويىلعان, مال يەسٸ ٶزٸنٸڭ مالىن ەكتٸرۋگە ەكەلۋٸ تيٸس. تٷلٸكتٸڭ سىرعاسى بار, قۇجاتى بار. مۇنىڭ بەرٸ تەگٸن جاسالادى. تٶرت-تٷلٸكتٸ زەرتتەۋ كەزٸندە قان الامىز. ەگەر دە قانداي دا بٸر مالدان اۋرۋ بەلگٸلەرٸ بايقالسا سىرعاسى ارقىلى تاۋىپ, بٸردەن سويۋعا جٸبەرەمٸز», - دەيدٸ سقو ۆەتەرينارييا باسقارماسىنىڭ ۆەتەرينارلىق ٸس-شارالاردى ۇيىمداستىرۋ بٶلٸمٸنٸڭ جەتەكشٸسٸ قايىرلى قازانوۆ.
وسى كٷنگە دەيٸن 284 مىڭنان استام ٸرٸ قارا مال, 640 باس جىلقى, 32 مىڭنان استام شوشقا جەنە 319 مىڭنان استام قوي-ەشكٸ برۋتسەللەزگە زەرتتەلدٸ. 647 ٸرٸ قارا مالدان, 19 قويدان اۋرۋ بەلگٸلەرٸ تابىلىپ, سانيتارلى سويىلىمعا جٸبەرٸلٸپتٸ. ال تۋبەركۋلەز 52 سيىردان انىقتالعان.
ەگۋ جۇمىستارى قىركٷيەك ايىنان قاراشاعا دەيٸن جٷرگٸزٸلەدٸ. ٶيتكەنٸ ۆاكتسينا قويۋدىڭ ٶز ەرەجەلەرٸ بار. ۆەتەرينارلاردىڭ ايتۋىنشا, بٸر ەكپەدەن كەيٸن ەكٸنشٸسٸن سالماس بۇرىن 21 كٷن ٶتۋٸ قاجەت. سٸبٸر جاراسىنا قارسى ۆاكتسينا مالعا 3 ايدان اسقاننان كەيٸن عانا ەگٸلەدٸ, جاس تٶل دەرٸنٸ كٶتەرمەۋٸ مٷمكٸن.
«بٸز قازٸر پەنكوۆو ەلدٸ مەكەنٸندە تۋبەركۋلەز اۋرۋىنا زەرتتەۋ جٷرگٸزۋ ٷشٸن قان الىپ جاتىرمىز. ودان كەيٸن جۇقپالى اۋرۋدىڭ الدىن الۋ ٷشٸن ارنايى پرەپارات – تۋبەركۋليندٸ ەگەمٸز. 72 ساعاتتان كەيٸن كەلٸپ جانۋاردى قايتا تەكسەرٸپ كەتەمٸز. دەنەسٸندە تٷيٸن پايدا بولسا, ول مالدا اۋرۋدىڭ بەلگٸلەرٸ بار دەگەن سٶز. ال قاننىڭ نەتيجەسٸ 3 كٷندە دايىن بولادى», - دەيدٸ مال دەرٸگەرٸ ليۋدميلا ستەپانوۆا.
سونداي-اق وبلىس ۆەتەرينارلارى الداعى 2-3 ايدا بيىلعى جىلدىڭ تٶلٸ - 102,5 مىڭنان استام ٸرٸ قارا مالدى جەنە 129 مىڭنان استام قوي-ەشكٸنٸ تٸركەۋگە الىپ, قۇلاقتارىنا سىرعا تاعۋلارى تيٸس.
