Soltústik Qazaqstan oblysynda koronavirýs infektsiiasy anyqtalǵan bes adamnyń tórteýi — Reseiden kelgender, - dep habarlaidy "Ult aqparat".
Shuǵyl shtabtyń málimetinshe, COVID-19 juqtyrǵan 48, 36 jáne 29 jastaǵy er adamdar Reseidiń Omby qalasynda vahtalyq ádispen jumys isteitin Qazaqstan azamattary. Tórtinshisi - 32 jastaǵy el azamaty Reseidiń Rýbtsovsk qalasynan kelgen, júk tasymaldaýshy bolyp jumys isteidi.
Er adamdarda KVI klinikalyq belgileri baiqalmaidy. Kelgen soń COVID-19-ǵa tekserilip, karantindik statsionarǵa jatqyzyldy.
Sondai-aq, PTsR taldaý nátijeleri boiynsha koronavirýstyq infektsiia 1988 jyly týǵan er adamda rastaldy. Er adam aýrý juqtyrǵan naýqaspen jaqyn qarym-qatynasta bolǵan. COVID-19-ǵa oń nátijeler alǵannan keiin naýqastar Petropavldaǵy qalalyq aýrýhananyń juqpaly aýrýlar bólimshesine jatqyzyldy. Epidemiologiialyq tekserý jalǵasýda.
31 mamyrdaǵy jaǵdai boiynsha SQO aýmaǵynda qaýipti indetti juqtyrǵandar sany 59 adamǵa jetti.
