Foto: Tengrinews.kz/Turar Qazanǵapov
Ulttyq statistika biýrosynyń Soltústik Qazaqstan oblysy boiynsha departamenti 2021 jylǵy halyq sanaǵy qorytyndysyn usyndy, - dep habarlaidy Tengrinews.kz.
Sarapshylar málimetinshe, 2021 jyly oblysta 540 786 adam turǵan. 2009 jylǵy sanaqpen salystyrǵanda 55,8 myńǵa nemese 9,3 paiyzǵa azaiǵan.
2009 jylǵy halyq sanaǵynyń qorytyndysy boiynsha qalada 238,4 myń adam (oblys halqynyń 40 paiyzy) tursa, 2021 jylǵy halyq sanaǵy kezinde qala turǵyndarynyń sany 259,5 myń adam (48 paiyz) bolǵan. Aýyl halqynyń úlesi sáikesinshe 60-tan 52 paiyzǵa deiin qysqarǵan.
"Soltústik Qazaqstan oblysynda burynǵydai áielderdiń sany erler sanynan asyp tústi. Sanaq qorytyndysy boiynsha áielder sany 18,9 myńǵa kóp. Paiyzben aitsaq, erlerdiń úlesi 48,3 paiyz, áielder - 51,7 paiyz. Máselen, Soltústik Qazaqstan oblysynda 100 áielge 93 er adamnan keledi", - delingen habarlamada.
