Soltústik Qazaqstan oblysynda bas memlekettik sanitar dárigerdiń jańa qaýlysy shyǵyp, karantin shekteýleri jeńildetildi, dep habarlaidy "Ult aqparat".
SQO bas memlekettik sanitar dáriger Áset Jumataevtyń jańa qaýlysyna sáikes, endi meshitterde bes mezgil namaz oqýǵa ruqsat bar. Alaida syiymdylyǵyn 30 %-dan, kelýshiler sanyn 100-den asyrmaýlary qajet. Al juma namazyn tek aýyldyq jerlerde ǵana, adam sanyn 30-dan asyrmai ótkizýge bolady.
Mádeni nysandardyń jumysyna ruqsat berildi, alaida toptaǵy adam sany 50-den aspaýy qajet. Kitaphana, mýzeiler ashylady.
Saýda-oiyn-saýyq ortalyqtary, saýda ortalyqtary, saýda úileri saǵat 10.00-den 24.00-ge deiin jumys isteidi.
Túrli bazarlar jeksenbiden basqa kúnderi saǵat 9.00-den 20.00-ge deiin ashylady. Biraq saýda oryndary kelýshiler sanyn 30 %-dan asyrmai, 4 sharshy metrde 1 adamnyń bolýyn qadaǵalaýy qajet.
Balalarǵa arnalǵan túrli ortalyqtardyń, kabinetterdiń jumysy jandanady.
Basseinderde jeke adammen jumys isteýge ruqsat berildi.
Qoǵamdyq monshalar, saýnalar saǵat 9.00-den 24.00-ge deiin adam sanyn 50-den asyrmai, 4 sharshy metrde 1 adamnyń bolýyn qadaǵalai otyryp jumys isteidi.
Qoǵamdyq tamaqtaný oryndaryna saǵat 7.00-den 24.00-ge deiin sanitarlyq talaptardy saqtai otyryp, iaǵni kelýshilerdiń sanyn asyrmai jumys isteýge ruqsat berildi. Ujymdyq, kóńil kóterý is-sharalaryn ótkizýge áli de tyiym bar.
Teatrlar saǵat 9.00-den 24.00-ge ashylady. Alaida kelýshiler sanyn 30%-dan asyrmaýlary qajet. Kórermenderin shahmattyq tártippen otyrǵyzýǵa mindetti.
SQO-nyń bas sanitar dárigeriniń jańa qaýlysy 28 aqpan saǵat 00.00-den kúshine enedi.
