Soltústik Qazaqstan oblysynda áiel men onyń qyzyna iis tiip, jansaqtaý bólimine tústi, dep habarlaidy "Ult aqparat".
SQO Tótenshe jaǵdailar departamenti baspasóz qyzmetiniń málimetinshe, oqiǵa búgin Timiriazev aýdanynyń ortalyǵy Timiriazev aýylynda bolǵan. Tańǵy 7.30-dar shamasynda eldimekendegi №18 órt sóndirý bóliminiń bailanys beketine eki adamǵa iis tigendigi jóninde habar túsken. Zardap shekken 1973 jyly týǵan áiel men onyń 2009 jyly týǵan qyzy aýdandyq ortalyq aýrýhananyń jansaqtaý bólimine jetkizildi.
Mamandardyń aitýynsha, oqys oqiǵa jeke turǵyn úide bolǵan. Ýly gazdyń taralýyna peshtiń tútindiginiń bitelip qalýy sebep.
Qazir zardap shekkenderdiń ómirine keler qaýip joq, jaǵdailary jaqsy.
Osyndai oqys oqiǵalar qaitalanbaýy úshin oblystyń tótenshe jaǵdailar departamenti turǵyndardy qarapaiym saqtyq sharalaryn umytpaýǵa shaqyrady.
