سولتٷستٸك قازاقستان وبلىسىندا ەيەل مەن ونىڭ قىزىنا يٸس تيٸپ, جانساقتاۋ بٶلٸمٸنە تٷستٸ, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, وقيعا بٷگٸن تيميريازەۆ اۋدانىنىڭ ورتالىعى تيميريازەۆ اۋىلىندا بولعان. تاڭعى 7.30-دار شاماسىندا ەلدٸمەكەندەگٸ №18 ٶرت سٶندٸرۋ بٶلٸمٸنٸڭ بايلانىس بەكەتٸنە ەكٸ ادامعا يٸس تيگەندٸگٸ جٶنٸندە حابار تٷسكەن. زارداپ شەككەن 1973 جىلى تۋعان ەيەل مەن ونىڭ 2009 جىلى تۋعان قىزى اۋداندىق ورتالىق اۋرۋحانانىڭ جانساقتاۋ بٶلٸمٸنە جەتكٸزٸلدٸ.
مامانداردىڭ ايتۋىنشا, وقىس وقيعا جەكە تۇرعىن ٷيدە بولعان. ۋلى گازدىڭ تارالۋىنا پەشتٸڭ تٷتٸندٸگٸنٸڭ بٸتەلٸپ قالۋى سەبەپ.
قازٸر زارداپ شەككەندەردٸڭ ٶمٸرٸنە كەلەر قاۋٸپ جوق, جاعدايلارى جاقسى.
وسىنداي وقىس وقيعالار قايتالانباۋى ٷشٸن وبلىستىڭ تٶتەنشە جاعدايلار دەپارتامەنتٸ تۇرعىنداردى قاراپايىم ساقتىق شارالارىن ۇمىتپاۋعا شاقىرادى.
