Soltústik Qazaqstan oblysynda tótenshe jaǵdailar departamenti kúnniń jylynyp, jańbyrdyń jaýýyna bailanysty sý tasqynynyń bolý qaýpin aityp, aldyn ala eskertý jariialady, dep habarlaidy "Ult aqparat".
SQO TJD baspasóz qyzmetiniń málimetinshe, 9-11 sáýir kúnderi oblys aýmaǵynda aýa temperatýrasy kóteriledi. Jańbyr jaýýy múmkin. Bul qardyń qarqyndy erýine ákeledi. Erigen qar sýynyń aǵyndylary paida bolyp, ózen-kólderde sý deńgeii kóterilmek.
«Qardyń qarqyndy erýine bailanysty saqtyq sharalaryn qolǵa alýdy suraimyz. Tótenshe jaǵdai týyndaǵanda nemese qaýip tóngende sizderdiń táýlik boiy 112 telefon nómirine habarlasa alatyndaryńyzdy eske salamyz», - deidi SQO TJD mamandary.
Erigen qar sýy óńirdegi Pokrovka-Gornoe-Antonovka baǵytyndaǵy oblystyq
mańyzy bar avtomobil jolynyń ústinen ótip ketti. Esil aýdany Gornoe eldi mekeniniń mańynda úlken kólge ainalǵan qar sýy avtojoldyń boiyndaǵysý ótkizgish qubyrlar arqyly aǵyp úlgermei jatyr.
«Qazgidromet» RMK SQOF málimetinshe, oblystaǵy ózenderdiń sýy birtindep kóterilip keledi. Máselen, Gýsakovka eldimekeniniń mańynda Babyqburlyq ózeniniń deńgeii shamamen bir táýliktiń ishinde 26 sm ózgergen. Sharyq ózeni Rýzaevka eldi mekeniniń mańynda 47 sm kóterilgen.
