Soltústik Qazaqstan oblysynda borannyń kusheiýine bailanysty taǵy da birqatar avtomobil joldary jabyldy, dep habarlaidy "Ult aqparat".
SQO tótenshe jaǵdailar departamenti baspasóz qyzmetiniń málimetinshe, aýa raiynyń buzylýynan kórý 50 metrge deiin shektelgen, apattyq jaǵdaiǵa jol bermeý maqsatynda saǵat 15.00-den bastap taǵy birqatar respýblikalyq baǵyttaǵy avtojoldar jabyldy. Olardyń qatarynda:
- A-16 «Jezqazǵan-Petropavl» 781-954 km (Sergeevkadan Petropavl qalasyna deiin);
- M-51 «RF Cheliabi shekarasynan Novosibir qalasynyń shekarasyna deiin» 465-655 km;
- A-21 «Mamliýtka-Qostanai» 0-180 km;
- R-57 «Peterfeld-Arhangelsk-Novokamenka»
- A-16 «Jezqazǵan-Petropavl» 0-31 km;
- A-12 «Petropavl-Sokolovka-RF shekarasyna deiin (Ishim jaǵy)» 11-73 km,
-A-13 «Kókshetaý-Kishkenekól-Bidaiyq-RF shekarasyna deiin (Omby jaǵy)» 50-186 km (Aqmola oblysynyń shekarasynan Talshyq eldi mekenine deiin);
- R-62 «Petropavl áýejaiyna baratyn jol» 0-5 km;
- R-49 «Petropavl ainalma joly» 0-30 km.
SQO TJD buǵan deiin saǵat 10.15 minýt ketkende boarnǵa bailanysty respýblikalyq mańyzy bar joldardyń bar bóligin japqan edi.
«Qazgidromet» RMK SQOF málimetinshe, qolaisyz aýa raiy erteń de saqtalmaq.
6 naýryz kúni óńirde qar jaýyp, tuman túsedi, kei jerlerde boran soǵyp, kóktaiǵaq bolady.
Ońtústik-batystan soqqan jeldiń ekpini sekýndyna 15-20 metrge deiin, túnde 23-28 m/s jetpek.
Osyǵan bailanysty SQO TJD eldimeken aýmaǵynan uzap shyqpaýǵa keńes beredi.
