Soltústik Qazaqstan oblysynda biyl 4,3 mln ga aýmaqqa dándi daqyldar egilmek, onyń 22 %-y maily daqyldar, dep habarlaidy "Ult aqparat".
SQO aýyl sharýashylyǵy jáne jer qatynastary basqarmasynyń málimetinshe, bidai – 2,9 mln ga, maily daqyldar - 950 myń ga, jemshóp – 329,4 myń ga, kartop – 32,1 myń ga, kókónis – 6,1 myń ga egiledi.
«Biyl qaraqumyqtyń alqaby 2,4 ese artyp, 10 myń ga jetpek. Byltyr áleýmettik mańyzy bar daqyl oblys boiynsha 4,2 myń ga egildi. Jalpy oblys tuqymmen tolyq qamtylǵan, jetkilikti qor – 479 myń tonna bar.
Surypty 8,9 %-ǵa nemese 43,9 myń tonnaǵa jańalaý josparlanǵan. Byltyr elitalyq tuqymnyń úlesi - 8,7 % boldy», - deidi SQO aýyl sharýashylyǵy jáne jer qatynastary basqarmasy basshysynyń orynbasary Qýandyq Shakýbaev.
Óńir diqandary qazir kóktemgi egiske ázirlenip, qural-saimandaryn daiyndap jatyr. Jyl basynan oblys diqandary 8,3 mlrd teńgege 523 tehnika men jabdyq satyp aldy. Bul ótken jyldyń uqsas kezeńimen salystyrǵanda eki ese artyq. Biyl ylǵal qory da jaqsy. Qar jamylǵysy 12-54 sm aralyǵynda boldy. Sondai-aq kei sharýashylyqtar 3 mln ga qar toqtatý jumystaryn júrgizdi.
«2,5 mln ga alqapqa 160 myń tonna mineraldy tyńaitqysh sebý josparlanǵan. Bul ótken jylǵydan 18,5 %-ǵa artyq. Ázirge 66,3 myń tonnaǵa sharttar jasaldy. Onyń 61 myń tonnasyna tólem jasaldy. Al fitosanitariialyq jaǵdaidy turaqtandyrý maqsatynda 3,4 mln ga alqapqa aramshópke qarsy is-sharalar júrgiziledi», - deidi Qýandyq Shakýbaev.
SQO-ǵa kóktemgi egis jumystaryn júrgizýge 68,2 myń tonna dizel otyny qajet. Aýyl sharýashylyǵy taýaryn óndirýshilerge onyń litri – 172 teńgeden saýdalanbaq. Janar-jaǵar mai jetkizý operatorlary bekitildi.
2021 jyly óńirdiń agrarlyq sektoryn damytýǵa 45,2 mlrd teńge sýbsidiia qarastyrylǵan. Onyń 17,1 mlrd teńgesi ósimdik sharýashylyǵyna baǵyttalmaq.
