Soltústik Qazaqstan oblysynda «Kóktem 2021» respýblikalyq komandalyq-shtabtyq jattyǵýy barysynda kóktemgi sý tasqynynyń aldyn alýǵa baǵyttalǵan birqatar is-sharalar atqaryldy, dep habarlaidy "Ult aqparat".
SQO Tótenshe jaǵdailar departamenti baspasóz qyzmetiniń málimetinshe, «Kóktem 2021» komandalyq jattyǵýy praktikalyq is-sharalardy ótkizýge barynsha baǵdarlanǵan. Eki táýlik ishinde kóktemgi sý tasqyny qaýpi bar jerlerde qajetti aldyn alý jumystary atqaryldy.
Qutqarýshylar men órt sóndirýshiler, jergilikti atqarýshy organdar, azamattyq qorǵaý qyzmetteri adamdardy shartty túrde sý basqan turǵyn úilerden evakýatsiialaý jáne olardy jylytý, aýyl sharýashylyǵy janýarlaryn aidap shyǵaryp, arnaiy oryndarǵa ornalastyrý, sý tasqyny saldarynan zardap shekken elektr jelilerindegi avariiany joiý boiynsha operatsiialardy pysyqtady.
Sý tasqynyna qarsy is-sharalarǵa erekshe nazar aýdaryldy. Nátijesinde eki táýliktiń ishinde sý basý qaýpi joǵary eldimekenderden 100 myń tekshe metrden astam qar shyǵaryldy, halyqtyń áleýmettik osal toby - 93 otbasyna úi mańyndaǵy ýchaskeleri qardan tazartyldy. 48 aryq, 23 kanal, 45 sý ótkizý qurylysy daiyndaldy. Qoldanystaǵy bógetterdiń 700 metrine jóndeý júrgizildi, 1,5 km nyǵaityldy.
