Soltústik Qazaqstan oblysynda 300-ge deiin oqýshysy bar mektepter IV toqsandy dástúrli formatta bastaidy. Óńirdegi epidemiologiialyq ahýal nasharlaǵan jaǵdaida balalar qashyqtan oqýǵa kóshedi, dep habarlaidy "Ult aqparat".
SQO bilim basqarmasynyń jetekshisi Gúlmira Kárimova IV toqsandaǵy oqýǵa qatysty túsinik berdi. Gúlmira Raiynbekqyzynyń aitýynsha, oblysta III toqsandy qashyqtyqtan 14 466 oqýshy, dástúrli jáne aralas formatta 59 320 oqýshy nemese 80 %-y aiaqtaǵan.
«SQO bas memlekettik sanitar dárigeriniń qaýlysyna sáikes, 300-ge deiin oqýshysy bar mektepter synyptaǵy oqýshy sanyn 25-ten asyrmai, shtattyq rejimde jumysyn jalǵastyrady. Qalǵan oqýshylar oqytýdyń aralas formatyna kóshedi. Iaǵni algebra, geometriia, fizika, himiia, biologiia, geografiia, Qazaqstan tarihy, qazaq, orys, shet tilderi siiaqty negizgi pánderdiń 70 %-y mektepte, al kórkem eńbek, ózin-ózi taný, qoǵam jáne din, bastapqy áskeri daiyndyq, kásipkerlik jáne biznes negizderi, grafika jáne jobalaý, fakýltativter qashyqtan oqytylady», - deidi Gúlmira Kárimova.
Koronavirýstyń taralýyna jol bermeý maqsatynda bir synyp – bir kabinette oqidy. Mektepterde ashana jumys isteidi.
«Mektepterde balalar men qyzmetkerlerdiń qaýipsizdigi úshin barlyq tiisti is-shara qolǵa alynǵan. Tórt deńgeili dezinfektsiialyq filtrden ótedi. Budan basqa kabinetter belgili bir ýaqyttan keiin jeldetilip, jýyp-tazalanady. Qazir óńir «jasyl aimaqta». Jaǵdai ýshyǵyp, aýyratyndar kóbeietin bolsa, oqý formatyn ózgertemiz. Ata-analarǵa aitarym, balalarǵa mektep formasyn kigizýdiń qajeti joq. Taza, klassikalyq úlgidegi kiimmen sabaqqa kelýge bolady», - deidi basqarma basshysy.
Qazir mektep muǵalimderi vaktsinatsiiadan ótip jatyr. Búginge deiin 609 ustaz koronavirýsqa qarsy ekpe aldy.
