Soltústik Qazaqstan oblysynda tártip saqshylary men volonterler bes kún buryn úiinen shyǵyp ketip qaityp oralmaǵan boijetkendi taba almai jatyr, dep habarlaidy "Ult aqparat".
Volonterlerdiń málimeti boiynsha, Petropavl turǵyny Elizaveta Alimovna Matiýhina 22 jasta. 3 sáýir kúni saǵat 12.00 shamasynda turǵylyqty jeri - Ýálihanov kóshesi, 17 úiden shyǵyp ketken. Qaida ketkenin eshkimge aitpaǵan.
Boijetkenniń boiy 165-167 sm shamasynda, aryqsha kelgen, qoi kózdi, sarǵylt shashty. Aldyńǵy eki tisi alǵa shyǵyńqyrap turady.
Sol kúni ústinde kapiýshony bar qara kúrteshe, qara-kók shalbar jáne aiaǵyna galosh kigen.
Joǵalǵan adam jaiynda qandai da bir málimet bolǵan jaǵdaida 8 777 608 88 49, 8 701 375 92 91, 8 777 307 99 65 nemese 102 nómirine habarlasýǵa bolady.
