Soltústik Qazaqstan oblysy ákiminiń orynbasary bolyp Timýr Sultanǵaziev taǵaiyndaldy, dep habarlaidy QazAqparat.
Prezident Ákimshiliginiń kelisimimen jáne SQO ákimi Qumar Aqsaqalovtyń ókimimen búginnen bastap Timýr Sultanǵaziev oblys ákiminiń orynbasary qyzmetine kiristi. Jańa orynbasar ekonomika, jumyspen qamtýdy úilestirý men memlekettik baǵdarlamalar, densaýlyq saqtaý, eńbek inspektsiiasy, dene shynyqtyrý men sport salasyna jetekshilik etetin bolady.
Timýr Sultanǵaziev 1982 jyly Almaty oblysynda dúniege kelgen. Qazaq ulttyq meditsina ýniversitetin hirýrg-dáriger mamandyǵy boiynsha bitirgen. Sondai-aq AQSh-ta Tiýlein ýniversitetinde (Tulane University) densaýlyq saqtaý júiesiniń menedjeri mamandyǵyn alyp shyqty.
Eńbek jolyn 2006 jyly Astanadaǵy №1 qalypty anatomiia kafedrasynyń zerthanashysy bolyp bastaǵan.
2010-2013 jyldary Astana qalasynda «Ulttyq meditsinalyq holding» AQ-da túrli qyzmetter atqardy.
2013-2014 jyldary meditsinalyq tehnologiialar jáne aqparattyq júieler ortalyǵynyń prezidenti boldy.
2014-2016 jyldary «Medicare» JShS bas direktorynyń orynbasary boldy.
2016 jyly QR Densaýlyq saqtaý jáne áleýmettik damý ministrliginiń Respýblikalyq densaýlyq saqtaý ortalyǵy bas direktorynyń orynbasary qyzmetin atqardy.
2016 jyldan 2018 jylǵa deiin QR Densaýlyq saqtaý ministrliginde Jobalardy basqarý departamentiniń direktory bolyp jumys istedi.
2018-2020 jyldary SQO Densaýlyq saqtaý basqarmasyn basqardy.
2020 jyly QR Densaýlyq saqtaý ministrliginiń Taýarlar men qyzmetterdiń sapasy men qaýipsizdigi komitetiniń tóraǵasy laýazymynda boldy.
