"SQ-Farmatsiianyń" burynǵy basshysy Berik Sháripke qatysty sot úkimi shyqty, - dep habarlaidy Tengrinews.kz.
Nur-Sultan qalasy Esil aýdandyq sotynyń sýdiasy Qanat Dúisembiev "SQ-Farmatsiianyń" burynǵy basshysy Berik Sháripke qatysty úkim shyǵardy.
Shárip eki bap boiynsha aiyptalǵan:
- QR QK-nyń 361-baby 4-bóligi, 3-tarmaǵy "Aýyr zardaptarǵa ákep soqqan laýazymdyq ókilettikterdi teris paidalaný";
- QR QK-nyń 287-baby 2-bóligi "Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý".
Prokýror Dastan Kýperbaev sottan "SQ-Farmatsiianyń" burynǵy basshysy úshin bes jyl merzimge bas bostandyǵynan aiyrý jazasyn surady.
Sýdia ony qamaýdan bosatyp, aiyppul salýǵa sheshim shyǵardy.
"Berik Shárip 287-baptyń 2-bóligi boiynsha kináli dep tanylsyn jáne 1000 AEK aiyppul taǵaiyndalsyn, 361-baptyń 4-bóliginiń 3-tarmaǵy boiynsha kinásiz dep tanylsyn jáne onyń áreketterinde qylmys quramynyń bolmaǵany úshin aqtalsyn. Aiyppul túrindegi jaza merzimine qamaýda otyrǵan kezeńi eseptelsin", - dedi sýdia.
Aita keteiik, buǵan deiin "SQ-Farmatsiianyń" burynǵy basshysy Berik Shárip sotta sońǵy sózin aitqan bolatyn. Ol búkil densaýlyq saqtaý salasy men el úshin óte qiyn ýaqytta jaýapkershilikti óz moinyna alyp, sheshim qabyldaǵanyn jáne sol úshin 11 jarym aidan asa ýaqyt boiy tergeý izoliatorynda otyrǵanyn aitqan edi.
