Qazaqstan Ulttyq banki búginnen bastap nominaly 500 teńgelik altyn men kúmisten «Shyǵys kúntizbesi» monetalar seriiasynan «Siyr jyly» kollektsiialyq monetasyn ainalymǵa shyǵarady. Bul jóninde banktiń baspasóz qyzmeti habarlady.
Monetalar 8 qyrkúiekten bastap satylymǵa túsedi.
Olardy Qazaqstan Ulttyq bankiniń barlyq aýmaqtyq filialdarynan, sondai-aq Ulttyq banktiń internet-dúkeni arqyly satyp alýǵa bolady.
Moneta dizainynda «Shyǵys kúntizbesi» sýburqaǵynyń (Almaty) músin kompozitsiiasynyń beinesi paidalanyldy. Músin kompozitsiiasynyń avtorlary: Qazaqstannyń eńbek sińirgen óner qairatkeri, sýretshi-monýmentalist V. Tverdohlebov A. Tatarinov jáne V. Katsev.
Monetalardyń aversinde aspan álemindegi juldyzdar kartasynda juldyzdar shoǵyrynyń mifologiialyq simvoldary jáne moneta daiyndalǵan metaldy, onyń synamy men massasyn bildiretin jazý beinelengen. Monetany ainaldyra «QAZAQSTAN RESPÝBLIKASY» jáne «REPUBLIC OF KAZAKHSTAN» degen jazýlar, kúnniń stildendirilgen beinesi jáne monetanyń nominaly beinelengen.
Monetalardyń reversinde ortalyq bóliginde shyǵys kúntizbesi boiynsha 2021 jyldyń simvoly – siyr beinelengen. Monetany ainaldyra «2021», «ShYǴYS KÚNTIZBESI», «VOSTOChNYI KALENDAR» jáne «ORIENTAL CALENDAR» degen jazýlar jazylǵan. Monetalardyń ishki jaǵynda shyǵys kúntizbesiniń qalǵan on bir simvoly ornalasqan.
Altyn jáne kúmis monetalar on eki qyrly jáne olardyń bet jáne syrt jaǵyndaǵy beineleri birdei.
Nominaly 500 teńgelik kollektsiialyq monetalar Qazaqstan Respýblikasynyń búkil aýmaǵynda kórsetilgen qunymen tólemniń barlyq túrleri boiynsha, sondai-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Kollektsiialyq moneta Qazaqstan teńge saraiynda daiyndalǵan.
